Kásipkerlikke qoldaý kórsetý jolynda

«Nur Otan» halyqtyq-demo­kra­tııalyq partııasy Elbasy, partııa Tóraǵasy Nursultan Nazar­baev­tyń tapsyrmalaryna sáıkes shaǵyn jáne orta bızneske qoldaý kórsetý jónindegi keń aýqymdy jumys júrgizýde. Jańa ádister men tásilderdi aıqyndaý maqsa­tyn­da nurotandyqtar kásip­ker­lik­ti damytýdyń ózekti másele­le­rin únemi talqylap, jergilikti sha­ǵyn jáne orta bıznesti damy­tý baǵdarlamalaryn ázirleıdi. Qazirgi ýaqytta «Nur Otan» múl­dem jańa baǵdarlama daıyndap jatyr. Bul qujatta júıe quraý­shy kásiporyndar men shaǵyn kásipkerliktiń ózara áriptestigine jaǵdaı jasaý máselesine basty nazar aýdarylatyn bolady. Sa­rap­shylardyń pikirinshe, jergilikti mazmundy 100 mlrd.teńgege kóbeıtse, sonyń nátıjesinde sha­ǵyn jáne orta bıznes salasynda qosymsha 50 myń jańa jumys ornyn qurýǵa múmkindik beriledi. Bul ásirese, júıe quraýshy kásiporyndar basty jumys berýshiler bolyp tabylatyn shaǵyn qalalar úshin asa mańyzdy. «Nur Otan» partııasy osy áleýetti barynsha qoldanýǵa nıetti. 16 tamyz kúni Pavlodar qalasynda júıe quraýshy kásiporyndardyń qaty­sýy­men shaǵyn jáne orta bıznesti da­mytý baǵdarlamasyn ázirleý jónindegi jumys tobynyń alǵashqy otyrysy ótkizildi. Partııa Tóraǵasynyń birinshi orynbasary Nurlan Nyǵmatýlın óz sózinde: «Shaǵyn jáne orta bıznestiń turaqty damýyna barlyq jaǵdaı jasaý – bul Elbasymyz, partııamyzdyń Tór­aǵasy Nursultan Ábishuly Nazarbaev­tyń bizdiń aldymyzǵa qoıǵan mindet­teriniń biri. Sondyqtan da «Nur Otan» partııasy kásipkerlikti qoldaýǵa baǵyt­talǵan arnaıy baǵdarlamany daıyn­daýǵa kiristi. Osy baǵdarlamanyń basty maqsaty – jergilikti bıznesti damytý­men qatar, halyqty jańa jumys oryn­dary­men qamtamasyz etý jáne de árbir qazaqstandyqtyń ál-aýqatyn arttyrý», – dep atap ótti. Jumys toby músheleriniń oıynsha, jańa bıznes-bastamalar ózin kóp kút­tir­meıdi. Júıe quraýshy kásiporyn­dar­dyń qoldaýymen kásipkerler taýar men qyzmetterdi jasap shyǵarýǵa tapsy­rystardyń kóp bóligin ózi qamtamasyz ete alady. Tabysty áriptestiktiń my­sal­dary az emes. Olardyń biri – Qazaq­stan elektrolız zaýyty – metallýr­gııa­lyq alıýmınıı klasteriniń negizgi kásiporny. «Meniń oıymsha, «Nur Otan» asa qajetti baǵdarlama ázirlep jatyr. Iri kásiporyndar jergilikti kásipkerlerge kómektesýine múmkindigi bar. Biz olarǵa taýarlar men qyzmetterdiń úlken kólemin tapsyra alamyz. Bıznesmenderge kómektessek, biz ómir súrip, jumys istep jatqan barlyq aımaqqa da paıdamyz tıedi», – dep «Qazaqstan alıýmınııi» AQ prezıdenti Almaz Ibragımov atap ótti. «Búginde Elbasy otandyq ekonomı­ka­ny damytý úshin barlyǵyn jasap jatyr. Biz de qarap otyrmaýymyz shart. Kóbirek ónim óndirip, odan ári damý úshin bizge iri kompanııalardyń tapsyrystary óte qajet. Bul – biz úshin qosymsha ynta­landyrý», – deıdi «Svarko» Pavlodar pisirý qural-jabdyqtary zaýyty» JShS bas dırektory Sergeı Aksenov. Jumys tobynyń birinshi otyrysy jobanyń negizgi qatysýshylarynyń qy­zy­ǵýshylyǵyn kórsetti.