Sapaly bilim – salıqaly sheshim jemisi

Keshe Aqordada Qazaqstan Respýblıkasynyń Memlekettik hatshysy Qanat Saýdabaevtyń tóraǵalyǵymen Shetelderde kadr­lar daıarlaý jónindegi respýblıkalyq komıssııanyń májilisi bolyp ótti. Elbasy otandyq bilim sapa­syn arttyrýǵa erekshe kóńil bó­lip keledi. «Nazarbaev ýnıversıtetin» ashý elimizdegi bilim deń­geıin kóterýge erekshe yqpal etýi tıis. Atalǵan joǵary oqý orny­nyń ómirge kelýimen «Bolashaq» baǵdarlamasy boıynsha shetelderde bakalavrlardy daıarlaý aıaq­taldy. Osy rette tıisinshe magıstrler men PhD doktorlaryn maqsatty daıarlaýǵa erekshe den qoıylyp otyrǵandyǵyn aıta ketý kerek. Bul jóninde Memlekettik hat­shy bylaı dedi: «Búgingi kúni pre­zıdenttik «Bolashaq» bilim berý baǵdarlamasy túlekterin ju­mysqa ornalastyrý jáne olardyń áleýetin tıimdi paıdalaný qoǵamnyń jiti nazarynda. Shetelderden qaıtyp oralǵan stıpendıattardyń elge qosatyn úlesi shyqqan shyǵyndardyń ornyn toltyryp, úmitterimizdi aqtaýy tıis». Elimizde ekonomıkanyń áleýe­ti artyp, ındýstrııalyq-ınno­va­sııalyq baǵdarlamaǵa sáıkes kóp­tegen jobalar qolǵa alynýda. Olaı bolsa, bilimge degen talap ta kúsheıe beretin bolady. Shetel­derde kadrlar daıarlaýda qo­maq­ty qarjy jumsalyp kele jat­qandyǵyn eskersek, onyń qaı­tarymy bolýy shart. Memlekettik hatshy sózinen osyny uqtyq. Májiliske qatysyp otyrǵan komıssııa múshelerine qarata Q.Saý­­dabaev árbir úmitkerge erekshe den qoıylýy qajettigin eskertti. – Sondyqtan biz árbir úmit­ker­diń shetelderdiń jetekshi jo­ǵa­ry oqý oryndarynda oqýynyń áleýetti múmkindigin asa tııanaq­ty­lyqpen zerdeleýimiz kerek, – dedi Qanat Bekmyrzauly. Irikteý ádil ári qatań túrde ótýi tıis. Bizge sapa kerek. Prezıdenttik «Bo­lashaq» baǵdarlamasy mańyzdy mindetterdi oryndaǵandyǵyn aıta ketken jón. Atalǵan baǵdar­la­ma­ǵa sáıkes elimiz úshin halyq­ara­lyq deńgeıdegi kóptegen ma­man­dardyń alǵashqy býyny daıar­landy. Qazirgi tańda da irikteý júr­gizilip keledi. Ústimizdegi jyl­dyń 4 shildesi men 5 tamyzy ara­lyǵynda júrgizilgen konkýrs­tyq irikteýdiń qorytyndysy boıynsha «Bolashaq» halyq­ara­lyq stıpendııasyn taǵaıyndaý úshin respýblıkalyq komıssııa qaraýyna 577 úmitkerdiń ótinishi engizilipti. Onyń ishinde kóptegen úmitker qarjy, quqyq, eko­no­mı­ka, munaı-gaz isi salasyna qatys­ty mamandyqtardy tańdaýǵa qu­lyq­ty ekendigin baıqatqan. So­ny­men qatar, aqparattyq tehnologııalar men júıeler; baılanys jelileri jáne kommýnıkasııa júıeleri; kóp kanaldy telekom­mý­nıkasııalyq júıeler; radıo baılanys; radıo habarlamalar jáne televızııa mamandyqtary jastardyń qalaýy ekendigin kór­setip otyr. Jáne de «Telekommýnıkasııa», «Tehnologııalar menedjmenti», «Týrızm salasyn­da­ǵy menedjment», «Qonaq úı menedjmenti», «Energetıka» sııaq­ty mamandyqtar suranysqa ıe. Qalaı bolǵan kúnde Shetelderde kadrlar daıarlaý jónindegi res­pýb­lıkalyq komıssııa elimizge asa qajetti mamandyqtar boıyn­sha laıyqty úmitkerlerdi tańdaýy tıis. Osy turǵydan kelgende keshe atalǵan komıssııa otyrystyń qo­rytyndysy boıynsha hattama­lyq sheshim qabyldady. Asqar TURAPBAIULY.