Kent turǵyndary Elbasyn qoldaıdy

Biz Ekibastuz qalasyna qarasty Solnechnyı kentinde turamyz. Memleket basshysy Nursultan Nazarbaevtyń el Táýelsizdiginiń 25 jyldyǵyna arnalǵan saltanatty jınalysta sóılegen sózin teledıdar arqyly tyńdap, kórip otyrdyq. Elbasynyń ózi de «Qazir tikeleı efırden bizdiń saltanatty jınalysymyzdy búkil elimiz kórip otyr. Sondyqtan osy kúrdeli jyldarda Otanymyzdyń ıgiligi jolynda birtutas otbasy sekildi jumyla jumys istegen barshańyzǵa shyn kóńilden shyqqan rızashylyǵymdy bildirgim keledi. Elimizdegi barsha qazaqstandyqtarǵa, qazir teledıdar ekranynyń aldynda otyrǵan ár qala men aýyldaǵy adamdarǵa, tipti osy merekeli kúnderi jumystaryn jalǵastyryp jatqandardyń bárine, barsha azamattarǵa – jumysshylar men fermerlerge, muǵalimder men dárigerlerge, ǵalymdar men kásipkerlerge, óner jáne mádenıet qaıratkerlerine, memlekettik qyzmetkerler men áskerı qyzmetkerlerge, jastarymyzǵa rızashylyǵymdy bildiremin», dedi. Árıne, jıyndy tikeleı efır arqyly kórgen bizdiń kent turǵyndary da, elimizdiń basqa da halqy sııaqty, rızalyq bildirip, jalyndy sálem joldaıdy. Al, bizdiń kent óndiristi kent, osy jerde álemge áıgili GRES-2 stansasy ornalasqan. Jalpy, turǵyndarymyzdyń sany ártúrli ult ókilderinen quralǵan 7 myńdaı adamdy quraıdy. Byltyr О́zbekstan men Mońǵolııadan birneshe otbasy kóship keldi. Memlekettik turǵyn úı qorynan esepte turǵan 4 oralman otbasy páterler kiltin aldy. Nursultan Nazarbaevtyń jıynda «Atamekenine aǵylǵan qazaqtyń kóshi 25 jyldan beri bir sát te toqtaǵan emes, qazir de jalǵasýda...» dep atap ótýi de sondyqtan. Bizdiń turǵyndarymyz Ekibastuzda, ózimizdiń stansada eńbek etýde. Barlyǵy da túgeldeı eńbekpen qamtamasyz etilgen. О́ndiris pen aýyl bir-birine qarasyp, birlese jumys jasaýda. Stansa – bizdiń kenttiń basty demeýshsi, qoldaýshysy. «Biz Jalpyǵa Ortaq Eńbek Qoǵamy biregeı ıdeıasyn tabysty júzege asyryp jatyrmyz. Bizde jumyssyzdyq 2,6 esege qysqardy. Sońǵy besjyldyqta biz jylda orta eseppen 270 myń jańa jumys ornyn ashyp kelemiz. Keıingi on jarym jyl ishinde ortasha eńbekaqy men zeınetaqy 10 eseden astamǵa ulǵaıdy. Aýyldy kóterýdiń aýqymdy baǵdarlamasy júzege asyryldy, aýyldyqtardyń turmys deńgeıi ósti», dep atap ótti Prezıdent. Kenttiń negizgi salasy ónerkásip, sondaı-aq, mal sharýashylyǵyn, shaǵyn jáne orta bıznesti damytý bolyp tabylady. Osy saltanatty jıynda Elbasy «Biz – dalamyz ben qalamyzdy birge kórkeıtken qýatty halyqpyz, Arqa tósine Táýelsizdigimizdiń saltanatty sımvoly – elordamyzdy ornatqan halyqpyz» dep aıtyp ótkeni bizdiń de kentke aıtylǵandaı, óıtkeni, keń dalada oryn tepken kentimizdi, bıikke áýelegen stansanyń alyp murjasy erekshe etip kórsetedi. Munda tynymsyz eńbek, óıtkeni bul jerde elektr energııasy óndiriledi. Qazir GRES-2-de birinshi energoblokty kúrdeli jón­deý aıaqtaldy. Iske asyrylǵan jón­deý jumystary energetıkalyq jab­dyq­tardyń jumys isteý merzimin uzartý­dy, energoblok jumysynyń senimdi­ligin jáne únemdiligin arttyrýdy qam­tamasyz etedi. Elbasy jıynda «biz ekono­mıkanyń tıimdi modelin jasadyq. Bizde kommýnıkasııanyń, óndiristiń, elektr taratýdyń biryńǵaı júıesi bol­ǵan joq. Biz ony Táýelsizdik jyldary qalyp­tastyrdyq. Avtomobıl joldary men temir joldar bizdiń baıtaq elimiz­diń ár tarapyn tikeleı baılanystyrmaı­tyndaı etip salynyp, barlyǵy da sol­tústikke qaraı ketetin», dep aıtyp ótti. 2014-2018 jyldarǵa arnalǵan ju­myspen qamtýdyń jol kartasyn ázir­ledik, onyń negizinde osy baǵyttarda monıtorıng jáne júıeli jumys júrgizilip keledi. Bıyl memlekettik turǵyn úı qorynan jalpy esepte turǵan 17 azamat turǵyn úı aldy. Aldaǵy jyly kentte 700 oqýshyǵa arnalǵan qazaq mektebiniń qurylysy bastalady. Marjan ALShYMBAEVA, Solnechnyı kentiniń ákimi Pavlodar oblysy, Ekibastuz qalasy