Astanada 11 avtobýstyń jıiligi 5 mınýt bolady

Elordada «EKSPO-2017» kórmesine oraı 11 avtobýstyń qozǵalys jıiligi 5 mınýtqa deıin qysqarady. Bul jaıynda búgin «Astana LRT» JShS basqarmasynyń tóraǵasy Talǵat Ardan málim etti, dep habarlaıdy QazAqparat. «EKSPO kórmesine oraı 7 shattl-bas baǵdaryn iske qosý kózdelip otyr. Olar EKSPO-qalashyqtyń kólik habymen túıistiriletin bolady. Kórmege taqaý ótetin 10, 15, 12, 18, 35, 37, 40, 51, 53, 102 syndy 11 baǵdar kúsheıtilip, olardyń qozǵalystaǵy normatıvtik ýaqyty 5 mınýtqa deıin qysqartylady», - dedi ol. Ardannyń aıtýynsha, Astananyń  jolaýshylar kóligi parkin jańartýǵa baǵyttalǵan jumystar da jalǵastyrylatyn bolady. Máselen, 2017 jyldyń mamyr aıynyń ortasyna deıin elordaǵa jańa 380 avtobýs jetkiziletindigin atap ótti. «Atalǵan avtobýstar qaýipsizdiktiń qazirgi zamanǵy talaptaryna saı, óte jaıly bolady. Buǵan qosa, jergilikti aýa raıyna beıimdelip jasalady. EKSPO kórmesi aıaqtalǵan soń, eski avtobýstar birtindep paıdalanýdan shyǵarylady», - dedi Ardan. Esterińizge sala ketsek, 2015 jyly Astanaǵa «IVECO» markaly 358 avtobýs jetkizilip, eski 210 qoǵamdyó kólik paıdalanýdan shyǵarylǵan edi.