Qaırat Mámı: Bıylǵy jumysymyz nátıjeli boldy

Búgin Joǵarǵy Sot Tóraǵasy Qaırat Mámı sot júıesiniń 2016 jylǵy jumysynyń qorytyndysyn shyǵardy, dep habarlady QazAqpart. Q.Mámı 2016 jyl sot júıesi úshin óte tabysty bolǵanyn atap ótti. Qazaqstan Táýelsizdiginiń 25 jyldyq mereıtoıy sheńberindegi sottardyń jetistikteri týraly aıta kele, ol Ult josparynda kózdelgen barlyq uıymdastyrýshylyq jáne quqyqtyq is-sharalardyń oryndalǵandyǵyna taǵy da basa nazar aýdardy. Osylaısha, zań men quqyq ústemdigi qaǵıdatyn is júzinde neǵurlym júıeli oryndaý turǵysynan sot júıesi men zańnamany reformalaý múmkin boldy. Osy oraıda Q.Mámı: «Bul jumystar sot tóreligin júzege asyrýdyń sandyq jáne sapalyq kórsetkishterine, halyqaralyq reıtıngtegi sot júıesiniń ornyna jáne eń bastysy, azamattar quqyqtarynyń sotta qorǵalýynyń jaı-kúıi men deńgeıine jaǵymdy áser etti», - dedi. Ol Joǵarǵy Sottyń jalpy otyrysynyń bıylǵy jylǵy jumysy nátıjeli bolǵanyna toqtaldy. Bıyl barlyǵy 15 otyrys ótti. Sot júıesi týraly Konstıtýsııalyq zańda kózdelgen jalpy otyrystyń barlyq quzyreti, sonyń ishinde tóralqany, Sot jıýrıiniń quramyn, Halyqaralyq keńesti, Ǵylymı-konsýltatıvtik keńesti qurý, olardyń qyzmetiniń quqyqtyq bazasyn qabyldaý men jańartý boıynsha qyzmeti iske asyryldy. Osy jyly alǵash ret sýdıalar oblystyq sottyń sýdıasy laýazymyn ıelený turǵysyndaǵy usynymdar máselesi boıynsha oblystyq sottardyń (Pavlodar jáne Qostanaı) jalpy otyrystarynyń qorytyndylaryna shaǵym túsirdi.  Sot praktıkasyn jetildirý jáne onyń birkelkiligin qamtamasyz etý maqsatynda 2016 jyly sot praktıkasynyń kóptegen ózekti máseleleri boıynsha 16 normatıvtik qaýly qabyldandy (máselen, ótken jyly 8 normatıvtik qaýly qabyldanǵan bolatyn). Joǵarǵy Sot Tóraǵasy Qaırat Mámı: «Bul jetistiktiń barlyǵy jaqsy, biraq biz osymen toqtap qalmaýymyz kerek. Bizdi alda kúrdeli jumystar men jańa mindetter kútip tur», - deı kele, múmkindikti paıdalanyp, otyrysqa qatysýshylardy aldaǵy Jańa jylmen quttyqtady