Merekede kommýnaldyq qyzmetter demalyssyz jumys isteıdi

Mereke kúnderi kommýnaldyq qyzmetter demalyssyz jumys isteıtin bolady, dep habarlady Astana ákimdiginiń baspasóz qyzmeti. «Astana sý arnasy» kásipornynda táýlik boıy kezekshilik júrgizilip, qosymsha brıgadalar uıymdastyrylady. Kompanııanyń habarlaýynsha, barlyq qyzmetter jumys isteıdi. Apat oryn alǵan jaǵdaıda kez kelgen ýaqytta dıspetcherlik qyzmetke habarlasýǵa bolady. «Astana-Tazalyq» JShS Jańa jyl merekesi kúnderi eki aýysymmen jumys isteıdi. Qala kóshelerine jınaý mashınalary men qar jınaýǵa arnalǵan tehnıka shyǵarylady. Munymen qosa, tıisti jumystarǵa qosymsha brıgadalar tartylady. «Astana-Tazartý» JShS qyzmetkerleri 31 jeltoqsanda saǵat 22:00-ge deıin jumys isteıdi. Al 1 qańtar kúni qoqys shyǵarý jumystary saǵat tańǵy 5-te bastalady. Qalǵan kúnderi ádettegideı jumys isteıdi. Aıta keteıik, Astana qalasynyń ishki ister departamenti de 31 jeltoqsannan 4 qańtarǵa deıin, sondaı-aq 7-8 qańtar kúnderi kúsheıtilgen rejimde jumys isteıdi. Barlyǵy 1500 polısııa qyzmetkeri men QR IIM ulttyq ulannyń áskerı qyzmetshileri qoǵamdyq tártipti qadaǵalaıtyn bolady.