Bolashaqtyqtar da ún qosty

Memleket basshysy Nursultan Nazarbaevtyń 25 qańtardaǵy «Memlekettik bılik tarmaqtary arasyndaǵy ókilettikterdi bólisý» jaıly Úndeýine oraı oblys ortalyǵyndaǵy S.Toraıǵyrov atyndaǵy memlekettik ýnıversıtette aımaqtyq konferensııa bolyp ótti. Konferensııaǵa «Bolashaq» baǵdarlamasynyń túlekteri, jastar uıymdarynyń kóshbasshylary, stýdentter men Azamattyq qoǵam ókilderi qatysty. Talqylaýǵa onyń moderatory ýnıversıtet rektory, «Bolashaq» baǵdar­lamasynyń túlegi Aryn О́rsarıev qatysyp, júrgizip otyrdy. Talqylaý barysynda konferensııaǵa qa­ty­­sýshylar Prezıdent, Par­­lament jáne Úkimet ara­syndaǵy ókilettikterdi qaı­ta bólý reformalar baǵ­darlamasy týraly óz oılaryn bildirdi. Sondaı-aq, spıkerler atalǵan reformalardy júzege asyrý ýaqyty óte sátti tańdalǵanyn atap ótti. Jáne reformalardy Qazaqstannyń halyqaralyq ortadaǵy demokratııasynyń jańa kezeńi dep aıtýǵa bola­tynyń jetkizdi. – Jahandaný memleketter aldyna belgili bir mindetter qoıady, olarmen qazirgi zamanda barlyq mem­leketter betpe-bet keledi. Búgingi tańda biz bul mindetterdiń tek syrtqy saıa­satqa ǵana emes, ishki saıa­satqa da qatysty ekenin jáne Elbasymyzdyń reforma jasaý jónindegi bas­tamashylyǵy der kezinde qolǵa alynyp otyrǵanyn kóremiz, – dedi Aryn О́rsa­rıev óz sózinde. Jalpy aıtqanda, qaty­sýshylar bul ózgerister memlekettik basqarýdyń tıimdiligin arttyrady degen biraýyzdy toqtamǵa keldi. Farıda BYQAI, «Egemen Qazaqstan» PAVLODAR