Jańa mekteptiń ashylý saltanatyna oblys ákimi Qumar Aqsaqalov qatysyp, aýyl turǵyndaryn quttyqtady.
«Bul mektep – tek Eńbek aýylynyń ǵana emes, búkil oblystyń qýanyshy. Búgin esigin aıqara ashqan jańa bilim ordasy zamanaýı talaptarǵa saı jáne balalardyń sapaly bilim alýǵa jan-jaqty jaǵdaı jasalǵan. Jańa mektepte keleshekte elin súıetin, bilimdi, tárbıeli urpaq ósip shyǵady dep senemin», dedi óńir basshysy.
Aýyl mektebi zamanaýı bilim berý talaptaryna saı sońǵy úlgidegi ádistemelik kerek-jaraqpen jabdyqtalǵan. Jańa bilim ǵımaratynda 14 oqý kabıneti, birneshe sheberhana, mýltımedııalyq, baǵdarlamalyq, ınteraktıvti kabınetter, medısına bólimi, ashana jáne keń sport zaly bar.
Mektepte 77 oqýshy bilim alatyn bolady. Mektepaldy daıarlyq tobynda 8 bala tárbıelenip jatyr. Pedagogıkalyq ujymda 30 muǵalim jumys isteıdi.
«Aýyldyń burynǵy mektebi ádben tozyp ketkendikten, qysta jylý ustamaı, balalarymyz tońyp otyrýshy edi. Osydan 15 jyl buryn mektep máselesin kóterip mınıstrlikke deıin hat jazǵanbyz. Oblys basshylyǵyndaǵy azamattar osy ótinishimizge qulaq asyp, búgin, mine, oqýshylar jańa mektepke kirip otyr. Qandaı tamasha, qarasań kóz toıarlyq. Ishi kirse shyqqysyz. О́te qýanyshtymyz. El tilegin oryndaǵan azamattarǵa alǵys aıtamyz», deıdi aýyl aqsaqaly Jaqsylyq Júnisov.
Eske sala keteıik, bıyl elimizde shamamen 47 myń oqýshyǵa arnalǵan 90 jańa mekteptiń qurylysy josparlanǵan.
Qostanaı oblysy
