Foto: Shutterstock.com
Sáýirde jańa turǵyn úı baǵasy eń kóp ósken qalalar qatarynda Aqtóbe (3%), Túrkistan (2.9%), Kókshetaý (2.3%) jáne Almaty (1.5%) bar. Astana men Shymkentte baǵa ózgerissiz qaldy. Al Aqtaý men Oralda baǵa 0.3% tómendegen.
El boıynsha jańa turǵyn úılerdiń bir sharshy metriniń ortasha quny 615 933 teńgege jetti.
Eń qymbat baspana:
- Almaty – 733 375 teńge;
- Astana – 731 990 teńge;
- Atyraý – 537 968 teńge.
Eń arzan baspana:
- Oral – 325 231 teńge;
- Aqtóbe – 356 454 teńge;
- Kókshetaý – 358 868 teńge.
Sarapshylardyń esebinshe, Almaty nemese Astanadaǵy bir páterdiń baǵasyna Oral men Aqtóbeden eki páter satyp alýǵa bolady.
Jyl basynan beri baǵa eń kóp ósken qalalar:
- Aqtóbe – 8.8%;
- Almaty – 6.2%;
- Kókshetaý – 5.1%;
- Astana – 4.6%.
Al sońǵy bir jylda Qazaqstandaǵy jańa turǵyn úıler orta eseppen 15.1% qymbattaǵan.
Jyldyq ósim boıynsha kósh bastaǵandar:
- Aqtóbe – 23.1%;
- Almaty – 18%;
- Astana – 17.7%.
2020 jyldyń sońynan beri eldegi jańa turǵyn úıler baǵasy orta eseppen 73.3% ósti. Eń joǵary ósim Aqtóbe (97.5%) men Astanada (91.3%) tirkelgen.
