Oqý-aǵartý mınıstrligi Jasandy ıntellekt jáne sıfrlyq damý mınıstrligimen, sondaı-aq ózge de múddeli memlekettik organdarmen jáne jergilikti atqarýshy organdarmen birlesip, 2026-2029 jyldarǵa arnalǵan Keshendi is-sharalar josparyn iske asyrýdy qamtamasyz etedi. Atalǵan jospar mektepterdiń sıfrlyq ınfraqurylymyn damytýdy, oqýshylardyń naqty qajettiligine beıimdelgen oqytý tetikterin engizýdi, pedagog kadrlardy daıarlaý men bilim alýshylardyń derbes derekterin qorǵaý jáne aqparattyq qaýipsizdikti qamtamasyz etý sharalaryn kúsheıtýdi kózdeıdi.
Jarlyqta shaǵyn jınaqty aýyl mektepterin qoldaýǵa erekshe mán berilgen. Memleket basshysynyń tapsyrmalaryn oryndaý maqsatynda mektepterdi zamanaýı tehnıkalyq quraldarmen jáne sapaly sıfrlyq bilim berý resýrsymen qamtamasyz etý qarastyrylǵan. Bastapqy kezeńde pılottyq joba aıasynda tıimdi sheshimderdi kezeń-kezeńimen engize otyryp, elimizdegi 2600-den astam shaǵyn jınaqty mekteptiń shamamen 500-in qamtý josparlandy.
Buǵan qosa pedagogterdiń biliktiligin arttyrý men sıfrlyq quzyretterin damytýǵa erekshe nazar aýdarylady. Bul rette jasandy ıntellekt tehnologııalaryn qoldaný pedagogti almastyrýdy kózdemeıdi, kerisinshe pedagogtiń kásibı rólin kúsheıtýge, ákimshilik júktemeni azaıtýǵa jáne oqýshylarmen jeke jumysty keńeıtýge baǵyttalǵan qosymsha qural retinde qarastyrylady.
Jaıyq Sharabasov,
Oqý-aǵartý vıse-mınıstri
