Jarlyqtyń negizgi maqsaty – jasandy ıntellekttiń qarqyndy damýy jaǵdaıynda Qazaqstan Respýblıkasynyń ornyqty damýyn qamtamasyz etý, sondaı-aq adamı kapıtaldy damytýdyń negizgi tetigi retinde ınnovasııalyq bilim berý júıesin qalyptastyrýǵa jaǵdaı jasaý.
Jarlyqqa sáıkes, 2026 jylǵy 1 shildege deıin Úkimet 2026–2029 jyldarǵa arnalǵan jasandy ıntellektti orta bilim berý júıesine keńinen engizý jónindegi Keshendi jospardy bekitedi. Atalǵan jospar bilim berýdi daralandyrý tetikterin qurýdy, sıfrlyq ınfraqurylymdy damytýdy, pedagog kadrlardy daıarlaýdy jáne bilim alýshylardyń derbes derekterin qorǵaýdy qamtıdy.
Jarlyqta Jasandy ıntellektini damytý jónindegi keńestiń múshesi Lı Kaı-Fýdiń usynymdaryn jumys barysynda qoldaný qarastyrylǵan.
Jasandy ıntellekt oqý prosesine naqty engiziletin tıimdi qural retinde shalǵaı óńirlerdegi oqýshylarǵa iri qalalarmen birdeı bilim alý múmkindikterin keńeıtýge múmkindik beredi.
Buǵan deıin Prezıdenttiń tóraǵalyǵymen Jasandy ıntellektini damytý jónindegi keńestiń ekinshi otyrysy ótken edi.
Medısına salasynda da jasandy ıntellekt qoldaný týraly jańa normatıvtik qujat ázirlendi.
Qasym-Jomart Toqaevtyń tóraǵalyǵymen ótken Jasandy ıntellektini damytý jónindegi keńestiń ekinshi otyrysynda jasandy ıntellektini ónerkásipke engizý máselesin qarastyrý usynyldy
