Shyndyǵynda, jasandy ıntellekt múmkindikteri, ásirese shalǵaı óńirlerdegi aýyl mektepterine tyń serpin beredi. Sondaı-aq oqýshylardyń jeke damý bilim traektorııasy, muǵalimderdiń kásibı damýy, zamanaýı sıfrly ınfraqurylym, joǵary jyldamdyqty ınternet – munyń barlyǵy bilim sapasyndaǵy alshaqtyqty azaıtyp, jańa múmkindikter kezeńine jol ashady. Eń bastysy, Jarlyqta pedagog mártebesi men ustaz róline aıryqsha mán berilgen. Jasandy ıntellekt pedagogti almastyrmaıdy, kerisinshe onyń jumysyn jeńildetetin qosymsha quralǵa aınalady.
Bilim salasynda aldymyzda turǵan aýqymdy mindetter kóp. Aldaǵy ýaqytta da Memleket basshysynyń tapsyrmalaryn sapaly ári nátıjeli júzege asyrý úshin júıeli jumys júrgiziletin bolady. Bizdiń maqsat – jasandy ıntellektini eldiń adamı kapıtaly men bolashaq urpaqtyń áleýetin arttyrýdyń naqty quralyna aınaldyrý.
Juldyz SÚLEIMENOVA,
Oqý-aǵartý mınıstri
