Jańa erejelerge sáıkes, marketpleıster otandyq ónimderdi izdeý nátıjelerinde joǵaryraq kórsetýge jáne arnaıy bólimder ashýǵa mindetteledi. Bul sharalar otandyq óndirýshilerdi qoldaýǵa baǵyttalǵan memlekettik saıasattyń bir bóligi.
Qoldanystaǵy zańnamaǵa saı, saýda oryndarynda otandyq taýarlardyń úlesi keminde 30 paıyz bolýǵa tıis. Sonymen qatar, qosymsha baǵdarlamalar arqyly sóre keńistiginiń taǵy 20 paıyzyna deıin otandyq ónimderge berilýi múmkin.
Elimizde ımporttyq taýarlardyń baǵasy birneshe paıyzǵa arzandaýy múmkin
Mınıstrlik ókilderiniń aıtýynsha, «altyn sóre» qaǵıdaty engizilip, otandyq ónimder tutynýshyǵa kórinetin eń qoljetimdi oryndarǵa qoıylýǵa tıis.
Zertteýler mundaı tásildiń tıimdi ekenin kórsetken. Mysaly, keıbir saýda jelilerinde júrgizilgen eksperıment nátıjesinde otandyq irimshik satylymy 20 paıyzǵa artqan.
«Irimshik negizgi azyq-túlik taýarlarynyń qataryna jatady, alaıda bul segmentte ımport úlesi − 47 paıyz. Eksperımenttiń nebári tórt aptasynda pılottyq dúkenderdegi irimshik satylymy 20 paıyzǵa ósti. Bul óte joǵary kórsetkish. Eksperıment nátıjesi el turǵyndarynyń «ekonomıkalyq patrıotızmge» daıyn ekenin kórsetti», dedi Memlekettik basqarý jáne minez-qulyqtyq memlekettik saıasat ortalyǵynyń dırektory Saltanat Djanenova.
Jańa talaptardyń oryndalýyn baqylaý kúsheıtilip, erejelerdi buzǵandarǵa ákimshilik sharalar qoldanylmaq.
Nurbolat AMANBEK
