Zań • Búgin, 17:01

13 mln teńge aıyppul: Qazaqstanda qandaı gúlderdi julýǵa bolmaıdy?

10 ret

kórsetildi

1 mın

oqý úshin

Baqbaq gúlin julǵany úshin 13 mln teńgege jýyq aıyppul salynady degen aqparat tarady. Alaıda bul tyıym baqbaqtyń barlyq túrine emes. Bul Qyzyl kitapqa engen sırek kezdesetin ósimdikke ǵana qatysty, dep habarlaıdy Egemen.kz.

Shyńǵys MUQAEV

13 mln teńge aıyppul: Qazaqstanda qandaı gúlderdi julýǵa bolmaıdy?

Foto: wikipedia.org

Ekologııa jáne tabıǵı resýrstar vıse-mınıstri Nurken Shárbıev zańnamada tek Qyzyl kitapqa engen kóksaǵyz baqbaǵyn joıýǵa qatań jaza qarastyrylǵanyn aıtty.

Onyń sózinshe, atalǵan ósimdik sırek kezdesetin ári joıylyp ketý qaýpi bar túrler qataryna jatady. Sondyqtan ony julǵany nemese joıǵany úshin 3000 AEK kóleminde aıyppul belgilengen. 2026 jylǵy esep boıynsha bul soma 12 975 000 teńgeni quraıdy.

«Bul – joıylyp ketý qaýpi joǵary sırek ósimdik. Osyndaı zańsyz áreketterdiń aldyn alý úshin aıyppul mólsheri 2019 jyly depýtattardyń bastamasymen 10 ese kóbeıtildi», dedi vıse-mınıstr Úkimettegi brıfıngte.

«Qyzyl kitaptyń» besinshi basylymy jaryq kóredi

Mınıstrlik málimetinshe, kóksaǵyz baqbaǵy negizinen elimizdiń ońtústik óńirlerinde ósedi.

Sondaı-aq Qazaqstanda Qyzyl kitapqa engen jabaıy qyzǵaldaqtardy julǵany úshin 11 mln teńgeden astam aıyppul qarastyrylǵan.