Foto: Carlos Barria/Reuters
The Wall Street Journal basylymynyń dereginshe, áskerdi áketý sharasy shamamen eki aıǵa sozylady. Qazir AQSh áskeri eldiń soltústik-shyǵysyndaǵy birqatar bazadan ketip úlgergen. Atap aıtqanda, olar Ál-Hasaka provınsııasyndaǵy nysandy bosatty. Bul baza taraptardyń úılestirýimen Sırııa armııasynyń dárgeıine ótken. Buǵan qosa, ótken aptada AQSh áskerıleri eldiń ońtústigindegi at-Tanf bazasynan da ketken.
Byltyr sáýirde amerıkalyq BAQ Sırııadaǵy ásker sanyn azaıtý máselesi qarala bastaǵanyn jazǵan. Sol kezde segiz bazanyń úsheýin jabý, al kontıngentti 2 myńnan 1 400 adamǵa deıin qysqartý kózdelgen edi.
Sırııa aýmaǵyndaǵy áskerı operasııa ótken jyldyń jeltoqsanynda bastalǵan edi.
