Aerotaks saǵatyna 200 shaqyrymdy eńsere alady. Qýaty da 200 shaqyrymǵa shaqtalǵan. Bir ushqysh pen bes jolaýshyny tasymaldaı alady. 13 elektrqozǵaltqyshpen jabdyqtalǵan. Basqa kólik túrlerimen salystyrǵanda dybysy áldeqaıda báseń jáne kómirqyshqyl gazyn shyǵarmaıdy. Qaýipsizdik talaptaryna sáıkes alǵashqy synaq jolaýshysyz ótkizildi, – dep habarlaıdy Almaty oblysy ákiminiń baspasóz qyzmeti.
Elimizde endi ushatyn taksıler paıda bolady
Sharaǵa oblys ákimi Marat Sultanǵazıev te qatysyp, joba otandyq kólik salasynyń tarıhyndaǵy aıtýly jańalyq ekenin atap ótti.
«О́zderińizge belgili, jaqynda ǵana Memleket basshysy Qasym-Jomart Toqaev «Alataý qalasynyń arnaýly quqyqtyq rejımi týraly» konstıtýsııalyq zańǵa qol qoıdy. Qala keleshekte ekonomıkalyq ósim úshin qolaıly ekojúıege aınalady. Al búgingi joba – ozyq tehnologııalar men «aqyldy qala» tujyrymdamasyn júzege asyrýǵa baǵyttalǵan mańyzdy qadam. Osyndaı zamanaýı ushyp-qoný qurylǵylaryn damytýǵa kúsh salyp jatqan «Alatau Advance Air Group Ltd.» komandasynyń eńbegi erekshe qurmetke laıyq.Atalǵan bastama Alataý qalasyn ınnovasııalar men sıfrlandyrýdyń basty ortalyǵy retinde damytý tujyrymdamasymen tolyq úndesip jatyr. Jobaǵa 250 mln dollar ınvestısııa tartyldy. Bul – Alatau City-diń bolashaǵyna degen joǵary senimniń kórinisi. Búginde elimiz jahandyq tehnologııalyq ózgeristerdi syrttaı baqylap qana qoımaı, olardyń belsendi qatysýshysyna aınaldy. Kók aspandy baǵyndyrǵan áýe taksıleriniń sapary sátti ári qaýipsiz bolsyn. Ortalyq Azııadaǵy zamanaýı avıasııanyń jańa dáýiri dál osy bizdiń óńirden bastaý alǵany – bárimiz úshin úlken maqtanysh», – dedi aımaq basshysy.
Sondaı-aq jobany iske asyrýshy seriktestermen kelisimshartqa qol qoıdy. «Alatau City Authority»-tyń bas atqarýshy dırektory Álisher Ábdiqadyrov óz sózinde ıgi bastamanyń beretin múmkindikterine toqtaldy.
«Búgin biz Qazaqstan úshin tarıhı sáttiń kýási bolyp otyrmyz. Elimizde alǵash ret aerotaksı synaqtan ótti. Bul tek jańa tehnologııany tanystyrý emes, sonymen qatar ınnovasııa men sıfrlyq tehnologııaǵa negizdelgen jańa qalanyń damý kezeńiniń bastamasy. Alatau City – bolashaqtyń qalasy. Sondyqtan elimizdiń áýe mobıldiligi men jańa ındýstrııasynyń damýy dál osy jerden bastalýynyń sımvoldyq máni zor. Bizdiń maqsat – tehnologııany jaı ǵana engizý emes, onyń tolyqqandy ekojúıesin qalyptastyrý. Iаǵnı qajetti ınfraqurylym qurý, ınjenerlik salany damytý jáne jańa jumys oryndaryn ashý», – dedi ol.
eVTOL áýe taksıiniń ushyp-qonýy úshin qýattaý jáne navıgasııalyq júıelermen jabdyqtalǵan vertıporttar paıdalanylady. Olardy qala ortasyna – ǵımarat shatyrlaryna, kólik toraptaryna jáne bıznes-klasterlerge ornalastyrýǵa bolady. Qazirgi tańda Alatau City-de alǵashqy vertıporttyń qurylysy bastalyp ketti. Bolashaqta Alataý qalasy, Almaty jáne Almaty oblysynyń týrıstik aımaqtarynda vertıporttar jelisin qurý josparlanyp otyr. Marshrýttar óńirdiń negizgi kólik toraptaryn baılanystyrady dep kútilýde.
Is-shara barysynda aerotaksımen qatar júk tasymaldaıtyn drondar men sıfrlyq navıgasııa platformasy da tanystyryldy.
Qazirgi tańda álem boıynsha jolaýshy tasymaldaıtyn aerotaksıler áli synaqtan ótkizilip jatyr. Ázirge ınfraqurylymdy daıyndaý jumystary júrgizilip, qujattary ázirlenýde. 2029 jylǵa qaraı iske qosylýy múmkin. Bul joba tek óńirdiń ǵana emes elimizdiń áýe tasymalyn damytýǵa serpin beretini sózsiz.
