Al kelesi týrıstik maýsymda áýe reıster Katonqaraǵaı, Zaısan jáne Kenderlige jol ashady. Kólik mınıstrliginiń málimetinshe, bıylǵy jyly 24 áleýmettik mańyzy bar áýe baǵyty sýbsıdııalanady. Negizgi nazar týrıstik baǵyttarǵa aýdarylady.
Aıta keteıik, qazaqstandyqtar el ishinde jıi usha bastady. О́tken jyly 31 mıllıonnan astam jolaýshyǵa qyzmet kórsetildi. Onyń 22 mıllıony jergilikti baǵyttarda.
«Eger Úsharal, Úrjar jáne Balqash baǵyttary týraly aıtatyn bolsaq, 1 maýsymnan bastap Astana men Almatydan reıster oryndalady. Bıletterdiń quny 16-dan 20 myń teńge aralyǵynda bolady. Áleýmettik mańyzy bar oblysaralyq baǵyttar sýbsıdııalanady. Oǵan mysaly, Túrkistan, Kókshetaý, Qaraǵandy jáne basqa qalalardyń baǵyttary enip otyr. Baǵasy bekitilgen. Maksımaldy quny - 16-dan 30 myń teńgege deıin», - deıdi QR MT azamattyq avıasııa komıteti tóraǵasynyń orynbasary Sársen Jarylǵasov.
