Qazaqstanda beınebaqylaý kameralarynyń sany artady

Qazaqstannyń Ishki ister mınıstrligi respýblıka boıynsha beınebaqylaý kameralary men beınetirkeýishter sany ulǵaıtýdy josparlaýda. Bul týraly búgin Úkimet otyrysynda vedomstvo basshysy Qalmuxanbet Qasymov málimdedi. Onyń aıtýynsha, jol-patrýldik polısııa qyzmetkerlerin beınetirkeýishtermen qamtý kózdelgen. Qurylǵylar bıylǵy jyldyń aqpan aıynda satyp alyna bastamaq. «Ala taıaqtan» bas tartýǵa baılanysty jergilikti jerlerdegi jol-patrýldik polısııa qyzmetkerleri tolyǵymen jaryqshammen jabdyqtalǵan qolǵaptarmen, jaryq shaǵylystyratyn arnaıy formamen qamtamasyz etiledi. Sonymen qatar, IIM jergilikti ákimdikterdiń qoldaýymen aýyldyq ınspektorlardyń kólikterin daýys zoraıtqysh qurylǵylarmen jabdyqtaýdy qolǵa almaq. Joldaǵy qaýipsizdikke baqylaý negizinen patrýldik kólikpen júrgiziletindikten, aımaqtarda avtopatrýl polıseıleriniń sanyn ulǵaıtý josparlanyp otyr. Mınıstrdiń pikirinshe, jergilikti jerlerde joldaǵy qaýipsizdik pen tártipti foto jáne vıdeotirkeý qurylǵylary arqyly qadaǵalaý óz jemisin beredi. «Olardyń tıimdiligi taıǵa tańba basqandaı anyq. О́tken jyldyń ózinde atalmysh qurylǵylar arqyly 900 myńǵa jýyq quqyqbuzýshylyq tirkeldi», - dedi Q. Qasymov. Beınebaqylaý kameralaryn ornatý kezeń-kezeńmen júredi. Aldymen xalyq kóp júretin jerlerde: bazarlarda, saýda oryndarynda ornatylady.