Qaraǵandy oblysynda 36 áleýmettik dárihana ashyldy

Qaraǵandy oblysynda zeınetkerler men áleýmettik osal toptarǵa qoldaý kórsetý maqsatynda dárilerdi arzandatylǵan baǵamen satatyn 36 áleýmettik dárihana ashyldy, dep habarlaıdy QazAqparat. Oblystyq ekonomıka basqarmasynyń basshysy Olga Chernıavskaıanyń aıtýynsha, óńirde dáriniń barlyq túrleri qymbattaǵan. Medısınalyq qyzmettiń de quny kóterilgen. «Qańtar aıynda farmasevtıkalyq ónim baǵasy aldyńǵy aımen salystyrǵanda 1,2 paıyzǵa kóterilgen. 2016 jyldyń jeltoqsan aıynda da asa mańyzdy dári-dármek preparattarynyń baǵasy ósken», - dep málimdedi ol. Densaýlyq saqtaý basqarmasynyń derekterine sáıkes, aýrýhanalar men emhanalardaǵy baǵa ósimine jol bermeý úshin Qaraǵandy oblysynyń qalalary men aýdandarynda áleýmettik dárihanalar ashyldy. Onda dári-dármekterge eń tómengi baǵamen satylady. Ádette bólshek saýda júıesinde dárilerdiń kóterme baǵasyna 15-ten 30 paıyzǵa deıin qun qosylady, al áleýmettik aýrýhanalarda bes paıyzdan artyq qun qosylmaıdy. «Búginde oblystaǵy qalalar men aýdandardyń  memlekettik medısınalyq uıymdarynda 36 áleýmettik aýrýhana jumys istep tur. Aı saıyn usynylatyn dári-dármek túrleri ulǵaıyp keledi. Ázirge qaladaǵy áleýmettik dárihanalarda preparattardyń 1500 túri, al aýdandarda 900 túri satylýda. Qajetti dárini azamattarǵa jetkizip berý qyzmeti de qarastyrylǵan. Taǵy da birqatar áleýmettik aýrýhanalar ashý josparlanǵan», - dep atap ótti densaýlyq saqtaý basqarmasynyń basshysy Erjan Nurlybaev. Dárilik preparattar men medısınalyq ónimderdiń 105 túrine jáne qosymsha tizimdegi asa mańyzdy dárilerdiń 50 túriniń baǵalaryna monıtorıng júrip jatyr. Densaýlyq saqtaý basqarmasy dárilik zattardy kóterme tasymaldaýshylarmen dári qunyn negizsiz ósirýdi toqtatý máseleleri boıynsha birqatar jınalystar ótkizdi.