Qazaqstan Respýblıkasy Úkimetiniń qaýlysy №1054

2011 jylǵy 14 qyrkúıek, Astana, Úkimet Úıi Maqta jáne odan jasalatyn buıymdardy ákelýge qatysty qorǵaý sharalaryn engizý týraly «Taýarlar ımporty jaǵdaıynda ishki rynokty qorǵaý sharalary týraly» Qazaqstan Respýblıkasynyń 1998 jylǵy 28 jeltoqsandaǵy Zańynyń 21-babyna sáıkes Qazaqstan Respýblıkasynyń Úkimeti qaýly etedi: 1. Keden odaǵynyń Syrtqy ekonomıkalyq qyzmeti taýar nomenklatýrasynyń 5601 21 100 0, 3005 90 100 0 kodtarymen jikteletin maqtadan jasalǵan gıdroskopııalyq maqtany jáne maqta men odan jasalatyn buıymdardy ákelýge qatysty kedendik qunynyń 19%-y, biraq 1 kg úshin keminde  2,8 evro mólsherinde 3 jyl merzimge qorǵaý bajdary engizilsin. 2. Qazaqstan Respýblıkasy Qarjy mınıstrliginiń Kedendik baqylaý komıteti kedendik deklarasııalaý kezinde osy qaýlynyń 1-tarmaǵynda kórsetilgen qorǵaý bajyn alsyn. 3. Qazaqstan Respýblıkasy Ekonomıkalyq damý jáne saýda mınıstrligi Qazaqstan Respýblıkasy Syrtqy ister mınıstrligimen birlesip, belgilengen tártippen múddeli shet memleketterdi, sondaı-aq Eýrazııalyq ekonomıkalyq qoǵamdastyqtyń Integrasııalyq Komıtetin osy qaýlynyń 1-tarmaǵynda kózdelgen qorǵaý sharalaryn Qazaqstan Respýblıkasynyń  engizgeni týraly habardar etsin. 4. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi. Qazaqstan Respýblıkasynyń  Premer-Mınıstri    K.MÁSIMOV.