Foto: 24.kz
Oblystyq memlekettik kirister departamenti basshysy orynbasarynyń mindetin atqarýshy Bısen Iýsýbalıevtiń deregine súıensek, kólik salyǵyn tólemegenderge 95 mln teńge ústeme qosylǵan.
«Salyqty ýaqytynda tóleý – ár adamnyń mindeti. Qazir kólik salyǵy boıynsha 4 246 jeke tulǵanyń 321 mln teńge bereshegi bar. Onyń 226 mln teńgesi – negizgi qaryz, keshiktirgeni úshin qosylǵan aqsha 95 mln teńgeni quraıdy. Al 10 415 adamnyń múlik salyǵyna 50 mln teńge bereshegi qalyptasyp otyr», deıdi Bısen Iýsýbalıev.
Onyń pikirinshe, ıeliginde kólik, ne ózge múlki bar turǵyndarǵa salyq ýaqytynda tólenbese, aldymen habarlama jiberiledi. Eger bereshek ótelmese, salyq buıryǵy shyǵarylyp, is jeke sot oryndaýshylaryna joldanady. Keıin májbúrli túrde óndirip alý sharalary qoldanylady.
Úkimette qarjy sektoryna salyq salý máseleleri qaraldy
«Endi jeńil kóliktiń zaýyttan shyǵarylǵanyna 10 jyldan assa, salyq 30 paıyzǵa tómendeıdi. Al 20 jyldan asqan kólikter úshin salyq eki ese azaıady. Sharýa qojalyqtarynyń ıeleri bir pıkap kóligi úshin salyq tólemeıdi. Qymbat múlki bar azamattarǵa qatysty jańa salyq tártibi engizildi. Eger bir adamnyń ıeligindegi úıiniń, ǵımarat pen basqa da múlkiniń jalpy quny 450 mln teńgeden assa, osy somadan asqan bóligine 2 paıyz qosymsha salyq salynady. Múlik neǵurlym qymbat bolǵan saıyn tólenetin salyq ta soǵurlym kóbeıe túsedi», dep málim etti B. Iýsýbalıev.
