Aksııa Prezıdent Qasym-Jomart Toqaevtyń bastamasymen júzege asyrylyp jatqan «Taza Qazaqstan» jalpyulttyq ekologııalyq jobasynyń aıasynda ótti. Baǵdarlama ekologııalyq mádenıetti qalyptastyrýǵa, tabıǵatty saqtaý máseleleri tóńireginde qoǵamdy biriktirýge jáne eldegi ekologııalyq tepe-teńdikti qalpyna keltirýge baǵyttalǵan.
«Taza Qazaqstan»: Keleshek mektepteriniń oqýshylary ekoaksııaǵa qatysty
Amanqaraǵaı ormany − Qazaqstandaǵy mańyzdy tabıǵı nysandardyń biri. Kóptegen kásiporyn qyzmetkerleri úshin ormandy qalpyna keltirýge atsalysý azamattyq jaýapkershiliktiń kórinisi ǵana emes, júrekke jaqyn jeke oqıǵaǵa aınaldy. 2022 jyly dál osy azamattar halyqty evakýasııalaý men iri órttiń saldaryn joıý jumystaryna da qatysqan bolatyn.
AGROMASH zaýytynyń prezıdenti Dınara Shúkijanova ormandy qalpyna keltirýge qatysý tótenshe jaǵdaı kezinde óńir turǵyndarynyń bir-birine kórsetken qoldaýynyń jalǵasy ekenin atap ótti.
«Amanqaraǵaıda alapat órt bolǵan kezde biz shet qalmadyq. Bul − meniń týǵan jerim, sol sátte júregimiz qan jylady. Jalyn úılerge taıap qalǵan kezde adamdardyń esigin qaǵyp, zattaryn jınaýǵa kómektestik, alǵashqy medısınalyq kómek kórsettik. Ony eske alýdyń ózi aýyr, biraq umytý múmkin emes. Kúıip ketken aǵashtardyń janynan ótken saıyn sol kúnderdiń aýyrtpalyǵy seziledi. Búgingi sharamyzdyń maqsaty − joǵaltqanymyzdy qalpyna keltirip, óńirdiń bolashaǵyna úles qosý», dedi ol.
Is-shara barysynda volonterlik bastamalar men jastar qozǵalystarynyń eldiń ekologııalyq kún tártibin júzege asyrýdaǵy róline erekshe nazar aýdaryldy. Uıymdastyrýshylardyń aıtýynsha, mundaı jobalar jaýapkershilik mádenıetin qalyptastyryp, adamdardy ortaq ıgi qundylyqtar tóńireginde biriktiredi jáne is júzindegi patrıotızmniń úlgisine aınalady.
«Taza Qazaqstan»: Bir kúnde elimizde 46 myń gektardan astam aýmaq tazartyldy
«Eńbek jastary» qoǵamdyq, áleýmettik jáne ekologııalyq jobalarǵa belsendi qatysatyn kásiporyndardyń jas mamandaryn biriktiredi.
«Bizdi týǵan ólkege paıdaly is jasap, ormandy qalpyna keltirýge naqty úles qosýǵa degen ortaq nıet biriktirdi. Kóshetterdi óz qolyńmen otyrǵyzǵanda, bolashaq urpaqqa ne qalatynyn tereńirek túsinesiń. Biz óndiriste mashına jasaýǵa beıimdelgenbiz, biraq zaýyttan tys jerde de óz jeriń, óz memleketiń úshin eńbek etip, ıgilik jasaý mańyzdy. Men úshin patrıotızm − qur sóz emes, naqty is. Búgin biz dál sondaı mańyzdy is úshin jınaldyq», dedi Allur zaýytynyń mashına-kontaktili dánekerleý ýchaskesiniń dánekerleýshisi Dıas Berikov.
Kásiporyn qyzmetkerleriniń aıtýynsha, ekologııalyq aksııaǵa qatysý óńirdiń damýyna naqty úles qosyp, ekologııa men turaqty damý salasyndaǵy mańyzdy memlekettik bastamalardy qoldaýǵa múmkindik bergen.
«Semıozer orman sharýashylyǵy mekemesi» KMM jetekshisi Rınat Serdenbaev óńir ekojúıesin qalpyna keltirý isindegi bıznes pen volonterlik qaýymdastyqtyń úlesin erekshe atap ótti.
«О́rtten keıin tórt jyl ótken soń Amanqaraǵaı tabıǵaty qalpyna kele bastady. Uzaq ýaqyt tynysh kúıde jatqan qaraǵaı tuqymdary óne bastady. Degenmen ormanǵa bizdiń kómegimiz qajet. Otyrǵyzý úshin biz eki jyldyq kóshetterdi paıdalanamyz. Iri aǵashtarǵa qaraǵanda olar jergilikti ortaǵa tez beıimdelip, topyraqpen jaqsy bitisip ketedi. Bul olardyń jersiný kórsetkishin arttyrady. Uzaq ýaqyt qajet. Biraq biz bolashaq urpaq úshin eńbek etip jatqanymyzdy túsinemiz, sondyqtan jumysymyzdyń máni erekshe. Mundaı bastamalar tabıǵı murany saqtaý jolynda qoǵamdy ortaq maqsatqa jumyldyrady. Ásirese eńbek ujymdary men jastardyń belsendi qatysýy óte mańyzdy», dedi Rınat Serdenbaev.
Eske salaıyq, 2022 jyly Qostanaı oblysynda bolǵan tabıǵı órt óńir tarıhyndaǵy eń iri apattardyń biri boldy. Sonyń saldarynan shamamen 25 myń gektar orman alqaby zardap shekti.
