Foto: Aqorda
Prezıdent Qazaqstanda túrik kompanııalaryna jan-jaqty qoldaý kórsetilip jatqanyna toqtaldy.
«Qazir elimizde túrik kapıtaly bar 3 800-ge jýyq kásiporyn tabysty qyzmet etip jatyr. Birlesken kúsh-jigerimizdiń arqasynda myńdaǵan jumys orny ashyldy. Investısııalyq kórsetkishti arttyrý úshin ónerkásip salasyndaǵy yntymaqtastyqty tereńdetý mańyzdy. Búgingi is-shara birlesken kásiporyndar sanyn odan ári kóbeıtýge múmkindik beredi dep senemin. Bul rette Qazaqstan-Túrkııa úkimetaralyq komıssııasy aıryqsha ról atqarýǵa tıis dep sanaımyn», dedi Qasym-Jomart Toqaev.
Toqaev pen Erdoǵan BUU rólin kúsheıtý týraly ortaq baılamǵa keldi
Memleket basshysy elimizdiń áleýmettik-ekonomıkalyq damý kórsetkishterin tilge tıek etti.
«Qazaqstan – Ortalyq Azııadaǵy ekonomıkasy eń iri memleket. Byltyr elimizdegi ishki jalpy ónim kólemi 6,5 paıyzǵa ósip, 300 mıllıard dollardan asty. Bul ishki naryqtyń turaqtylyǵy men zor áleýetin kórsetedi. Biz osy úrdisti kúsheıte túsýge nıettimiz. Búginde Qazaqstan bilimdi, ǵylymdy jáne ınnovasııany damytýǵa basa mán berip otyr. Bul – elimizdiń aldynda turǵan strategııalyq mindet. О́zderińizge málim, naýryz aıynda elimizde jalpyhalyqtyq referendým ótti. Jańa Konstıtýsııaǵa sáıkes Qazaqstanda menshiktiń barlyq túrine kepildik beriledi. Elimizdiń bas qujaty ınvestorlardyń quqyǵyn barynsha qorǵaıdy. Alaıda sheteldik jáne otandyq kásipkerlerdiń zańdarymyzdy buzýǵa quqy joq. Konstıtýsııaǵa engizilgen «Zań men tártip» qaǵıdaty boıynsha ár azamat zań aldynda birdeı jaýap beredi», dedi Prezıdent.
Erdoǵan Túrki álemi men Orta dálizdiń strategııalyq mańyzyn atap ótti
