Foto: Kólik mınıstrligi
Qazir uzyndyǵy 28,1 shaqyrym bolatyn bólikte qurylys-montajdaý jumystary qarqyndy júrip jatyr. Joba 2024-2028 jyldarǵa josparlanǵan. Al 2025 jyldan bastap osy ýchaskede asfaltbeton tóselgen joldyń bir baǵyty qozǵalys úshin ashylǵan.
Nysanda 102 tehnıka men 115 maman jumys istep jatyr. Búginde qurylys jumystarynyń shamamen 40%-y oryndalǵan. Atap aıtqanda, negizgi jer jumystary aıaqtalyp, jasandy qurylystar salynǵan, jol qabattarynyń basym bóligi tóselgen. Sonymen qatar qajetti qurylys materıaldary ázirlenip, óndiristik bazalar iske qosylǵan.
Bul ýchaskedegi jumystardy tolyq aıaqtaý 2028 jyldyń sońyna josparlanyp otyr.
«Aqtóbe – Qarabutaq – Ulǵaısyn» tasjolyn tezdetip jóndeýdi tapsyrdy
Al joldyń qalǵan 234 shaqyrymdyq negizgi bóliginde rekonstrýksııaǵa daıyndyq kezeńi júrgizilip jatyr. Qajetti rásimder aıaqtalǵannan keıin merdiger uıymdarmen kelisimshart jasalyp, qurylys-montajdaý jumystary kezeń-kezeńimen bastalady.
Joba tolyq aıaqtalǵan soń avtojol I tehnıkalyq sanatqa sáıkestendiriledi. Bul kólik qozǵalysynyń qaýipsizdigi men qolaılylyǵyn arttyryp qana qoımaı, ruqsat etilgen jyldamdyqty kóbeıtýge múmkindik beredi.
Aqtóbe – Ulǵaısyn baǵytyn damytý Memleket basshysynyń tapsyrmasy aıasynda júzege asyrylyp jatyr. Joba elimizdiń batys jáne ońtústik óńirleri arasyndaǵy kólik baılanysyn kúsheıtip, Qazaqstannyń halyqaralyq tranzıttik áleýetin arttyrýǵa jol ashady.
