Foto: Aqorda
«Qazir osy salada aýqymdy jumys atqarylyp jatyr. Prezıdent janyndaǵy Sheteldik ınvestorlar keńesi quryldy. Arnaıy Investısııalyq shtab jumys istep tur. «Bir tereze» qaǵıdatyna saı qyzmet kórsetetin Ulttyq sıfrlyq platforma iske qosyldy», dedi Memleket basshysy.
Prezıdent biregeı vıza týraly tilge tıek etti.
«Sondaı-aq sheteldik kásipkerler Altyn Visa baǵdarlamasynyń ıgiligin qoldana alady. Biregeı vızanyń negizgi maqsaty – ınvestorlarǵa salyq jáne kóshi-qon jeńildikterin usyný. Túrik kásipkerlerin osy múmkindikti paıdalanýǵa shaqyramyn. Elordamyzda Astana halyqaralyq qarjy ortalyǵy (AIFC) belsendi jumys istep jatqanyn bilesizder. Bul – ınvestorlar men kásipkerlerge jan-jaqty qoldaý kórsetý úshin qurylǵan aımaqtaǵy jetekshi hab. Ortalyq Ystanbul, London, Dýbaı jáne Nıý-Iork qarjy ortalyqtarynyń úzdik tájirıbesin qoldana otyryp, aǵylshyn quqyǵyna sáıkes jumys isteıdi. Munda 90-ǵa jýyq eldiń 5 600-den astam kompanııasy tirkelgen. Sonyń ishinde qarjy, saýda, qurylys jáne basqa da salalarda jumys isteıtin 73 túrik kompanııasy bar.
Qasym-Jomart Toqaev pen Rejep Taııp Erdoǵan Qazaqstan-Túrkııa bıznes forýmyna qatysty
Qasym-Jomart Toqaevtyń aıtýynsha, budan bólek, Astana qarjy ortalyǵy men «Borsa Ystanbul» bırjasynyń arasyndaǵy seriktestik nyǵaıyp keledi.
«Qazaqstan túrik bıznesimen baılanysty keńeıte berýge múddeli. Bizdiń bilýimizshe, Túrkııada Prezıdent Rejep Taııp Erdoǵannyń bastamasymen ulttyq ekonomıkaǵa aýqymdy ınvestısııa tartý úshin naqty sharalar qabyldanatyn boldy. Laıyqty kásipkerlerge birqatar jeńildik pen artyqshylyqtar beriledi eken. Biz bul bastamany mindetti túrde saraptaımyz, qajetti tustaryn paıdalanýǵa tyrysamyz», dedi Prezıdent.
Toqaev pen Erdoǵan BUU rólin kúsheıtý týraly ortaq baılamǵa keldi
