Búgingi urpaq – eldiń erteńgi tiregi

Ońtústikte «Táýelsizdik qurdastary» atty respýblıkalyq jastar forýmy ótti Táýelsizdik – tátti uǵym ǵana emes, erkindik ańsaǵan ata-babalarymyzdyń ǵumyrlyq armandarynyń júzege asqan­dyǵy, azat Qazaqstannyń nurly erteńi. Tarıh úshin 25 jyl qas-qaǵymdaı ǵana ýaqyt bolǵanymen, Qazaqstan osyndaı qysqa ýaqytta keıbir memlekettiń ǵasyrlap basatyn bas­pal­daqtarynan ótti. Táýelsizdik qundylyǵyn búgingi jastarymyz bilip ósýi kerek. M.Áýezov atyndaǵy Ońtús­tik Qazaqstan memlekettik ýnıver­sıtetinde «Qazaqstandyq salalyq bilim jáne ǵylym qyzmetkerler kásipodaǵy» qoǵamdyq birles­tiginiń uıymdastyrýymen Tuń­ǵysh Prezıdent kúniniń aıa­syn­da, sondaı-aq, Qazaqstan Respýblıkasy Táýelsizdiginiń 25 jyldyǵyna oraı ótken «Táýelsizdik qurdastary» atty respýblıkalyq jastar forýmy osyndaı izgi nıetti negizge alǵan. Atalǵan is-sharaǵa qoǵam qaıratkerleri, Elbasymen birge oqyǵan joldastary, jergilikti bılik organdarynyń ókilderi, respýblıkanyń jas kásipodaq belsendileri, salalyq kásipodaq bólimsheleri qurylymdarynyń jetekshileri, ońtústik óńirdiń stýdent jastary men ustazdar qaýymy qatysty. Atalǵan jastar forýmynyń negizgi maqsaty – Elbasy Nursultan Nazarbaevtyń el damýy strategııasyndaǵy basym ba­ǵyttarda belgilengen tapsyr­malardy júzege asyrý, Pa­rla­ment palatalarynyń birles­ken otyrysynda el tarıhy úshin asa mańyzdy qujat bolyp tabylatyn «Qazaqstan Respýblıkasy Táýelsizdiginiń 25 jyldyǵy Dekla­rasııasyna» qoldaý kórsetý, jastar saıasatyn damytýǵa, toleranttylyq negizderine súıene otyryp azamat­tyq qoǵam­dy nyǵaıtý, sonymen qatar, respýblıkanyń kásipodaqtar qozǵalysyn jetildirýge jastardyń belsendi qatysýyn qamtamasyz etý. Forým Qazaqstannyń Ánura­nymen ashylyp, Qazaqstan Respýb­lıkasynyń Tuńǵysh Prezıdenti Nursultan Ábishuly Nazarbaev týraly beınefılm usynyldy. Alǵashqy sóz Qazaqstan salalyq bilim jáne ǵylym qyzmetkerleri kásipodaǵynyń tóraıymy Maıra Amantaevaǵa berildi. – Elbasymyzdyń ómiri – jas­tarǵa úlken ónege, – dedi Qazaq­stan salalyq bilim jáne ǵylym qyzmetkerleri kásipodaǵynyń tór­aıymy Maıra Turǵanqyzy. – Biz jastarǵa úlken aǵalary Mahmut Qasymbekovtiń Elbasy týraly jazǵan kitaptaryn oqy­týǵa júıeli jumys jasap kelemiz. О́ıtkeni, Táýelsizdik pen Elbasy egiz uǵymǵa aınalyp ketti. Búgingi jastar shırek ǵasyrdan beri eshqandaı alańsyz jaǵdaıda ómir súrip jatyr. Bodandyq, ózge elge kiriptar bolýdyń ne ekendigin bilmeıdi. Bul – Táýelsizdiktiń jemisi. Endi osy jastar ony baıandy etý úshin erinbeı eńbek etýleri kerek. Bizdiń maqsat osyǵan negizdeledi. Saltanatty keshte Kásip­odaq­tar federasııasy tóraǵasynyń orynbasary Muhammet Tóleý­ǵazın, M.Áýezov atyndaǵy Oń­tús­tik Qazaqstan memlekettik ýnı­versıtetiniń birinshi prorektory, professor Jambyl Aımenov, Qazaqstan Respýblıkasy Tuńǵysh Prezıdentimen birge oqyǵan jol­dasy, akademık Qaırat Islam­­qulov jáne Salalyq kásip­odaq­tardyń jastar keńesiniń mú­shesi Bolat Qalıev sóz sóıledi. Forým barysynda «Eń úzdik jas kásipodaq belsendileri», «Eń úzdik plakat» atty baıqaýdyń jáne «Eń úzdik kásipodaq joba­synyń» jeńimpazdaryn marapattaý saltanaty ótti. «Áleýmettik jeli negizderi», «Jastar arasynda kásipkerlikti damytý», «Men – kóshbasshymyn!» atty seksııalyq otyrystar uıymdastyryldy. Sondaı-aq, Prezıdent Ákim­shili­giniń kómegimen uıymdas­ty­­rylǵan Elbasy Nursultan Nazarbaev týraly kitaptar forým qaty­sýshy­laryna úlestirildi. Forýmda «Táýelsizdik qurdas­tary» atty respýblıkalyq jastar forýmynyń úndeýi qabyldanyp, sońy patrıottyq ánderge ulasty. Baqtııar TAIJAN, «Egemen Qazaqstan» ShYMKENT