Elimizde 500 myń jumys orny qurylady

Qazaqstanda Nátıjeli jumys jáne jappaı kásipkerlikti damytýdyń jańa baǵdarlamasy aıasynda jartty mıllıon jumys oryndary qurylady. «Osy úsh  baǵytty júzege asyrý kem degende 500 myń jańa jumys oryndaryn qurýǵa, ózin jumyspen qamtyǵandar tabysyn 36 paıyzǵa arttyrýǵa, sondaı-aq JIО́ 0,8 paıyzǵa ósýine alyp keledi dep kútilýde. 2017-2018 jyldary baǵdarlamany júzege asyrýǵa negizdelgen shyǵystar 66,8 mlrd teńgeni quramaq. Osy jyldary qosymsha shyǵystar qajet bolmaıdy. Tek 2019 jyly qosymsha qajettilik 13 mlrd teńgeni quraýy múmkin jáne bul másele bıýdjettik múmkindikter esebinen qaralady», – dedi Densaýlyq saqtaý jáne áleýmettik damý mınıstri Tamara Dúısenova. Aıta keteıik, jańa baǵdarlama aıasynda UBT tapsyrmaǵan mektep túlekteri birinshi kásibin tegin alady. Sonymen qatar jeke bıznes ashý úshin shaǵyn nesılerdiń qoljetimdigi jeńildeıdi. Qujat aıasynda tabysy tómen turǵyndardy bıznes negizderine oqytý, jumys izdeýdiń biryńǵaı bazasyn qurý sekildi qadamdar eskerilip otyr.