Úkimet otyrysynda eki baǵdarlama tanystyryldy

Búgin QR Premer-Mınıstri Baqytjan Caǵyntaevtyń tóraǵalyǵymen ótken Úkimettiń kezekti otyrysynda tıisti mınıstrlikter ázirlegen eki birdeı baǵdarlama tanystyryldy. Premer-Mınıstrdiń orynbasary – Aýyl sharýashylyǵy mınıstri Asqar Myrzahmetov 2017-2021 jyldarǵa arnalǵan Agroónerkásip keshenin damytý baǵdarlamasyn usyndy. Bul baǵdarlamanyń maqsaty – elimizdiń azyq-túlik qaýipsizdigin qamtamasyz etý jáne aýylsharýashylyq ónimderiniń eksportyn ulǵaıtý, básekege qabiletti agroónerkásip keshenin qalyptastyrý bolyp tabylady. Mınıstr atap ótkendeı, baǵdarlamany júzege asyrý nátıjesinde Qazaqstan halqy úshin aýyl sharýashylyǵy salasy negizgi kiris kózine aınalýǵa tıis. 2021 jylǵa qaraı aýyl sharýashylyǵy ónimderiniń jalpy jıyny 30%-ǵa 1 trln teńgege nemese 3,3 trln teńgeden 4,3 trln teńgege deıin ulǵaıtý josparlanýda. Sonymen qatar, eńbek ónimdiligin 50%-ǵa 1,2 mln teńgeden 1,9 mln teńgege arttyrý, eksport 17%-ǵa 2,1 mlrd-2,5 mlrd AQSh dollaryna deıin, jáne ımport kólemin 17%-ǵa 3,4 mlrd-2,8 mlrd AQSh dollaryna deıin tómendetý kózdelip otyr. Nátıjesinde sýarmaly jerlerdiń úlesin 40%-ǵa ıaǵnı, 1,4 mln ga 2 mln ga deıin artyp, osynyń nátıjesinde kiris 30 esege deıin kóbeıedi. 2017-2021 jyldardaǵy jańa AО́K damytý memlekettik baǵdarlamasyn talqylaýǵa Aqtóbe oblysynyń ákimi Berdibek Saparbaev, Almaty oblysynyń ákimi Amandyq Batalov, «Taıynsha-Astyq» JShS bas dırektory Anatolıı Rafalskıı, «RZA» AQ prezıdenti Samurat Imandosov, «Agrotreıdıng» JShS dırektory Sergeı Mılenko, «Agrotreıdıng» Dırektorlar keńesiniń tóraǵasy Dın Kım qatysty. QR Premer-Mınıstri Baqytjan Saǵyntaev mınıstrler kabınetine AО́K damytý memlekettik baǵdarlamasy boıynsha ázirlik jumystaryn jyl sońyna deıin aıaqtaýdy tapsyrdy. «Aıtylǵan eskertýler men usynystardy nazarǵa ala otyryp, baǵdarlama jobasyn maquldaýdy jáne jyl sońyna deıin memlekettik organdarmen, ákimdiktermen, bıznes qaýymdastyqtarmen kelisilgen soń bekitýge shyǵarýdy usynamyn. Kelesi jyly biz jańa baǵdarlama boıynsha jumys isteýdi bastaýymyz kerek»,-dedi Premer. QR Prezıdenti N.Nazarbaevtyń tapsyrmasy boıynsha agrarlyq sektordy jedel damytý mindeti alǵa qoıylǵany belgili. Osyǵan baılanysty el Úkimeti 2017-2021 jyldarǵa arnalǵan Agroónerkásip keshenin damytý memlekettik baǵdarlamasyn ázirledi. Sonyń nátıjesinde taıaý bes jyl ishinde aýyl sharýashylyǵy ónimderin óndirý men óńdeý ekonomıkany ártaraptandyrý men ósimniń negizgi draıveri bolýǵa tıis. Sondaı-aq, Úkimet otyrysynda Densaýlyq saqtaý jáne halyqty áleýmettik qorǵaý mınıstri Tamara Dúısenova Nátıjeli jumyspen qamtý jáne jappaı kásipkerlikti damytý baǵdarlamasy týraly baıandady. Mınıstr atap ótkendeı, bul baǵdarlamanyń negizgi maqsaty – ózin-ózi jumyspen qamtyǵandardy, jumyssyzdardy jáne ózge de biliktiligi joq tulǵalardy ónimdi jumysqa tartý ekenin jetkizdi. Jańa baǵdarlama 15 pen 45 jas aralyǵyndaǵy aıyna 60 myńnan tómen tabys tabatyn ózin-ózi jumyspen qamtyǵandarǵa, jumyssyzdarǵa jáne kásiptik biliktiligi joq tulǵalarǵa jumys tabýǵa nemese jańa mamandyqty meńgerýge kómektesýge tımis. Baǵdarlama 550 myńǵa jýyq adamdy qamtıdy dep kútilýde. Olardyń 84 %-y aýyl turǵyndary ekenin aıta ketý kerek. Memleket basshysy Nursultan Nazarbaevtyń tapsyrmasymen QR Úkimeti Nátıjeli jumyspen qamtý jáne jappaı kásipkerlikti damytýdyń jańa baǵdarlamasyn ázirlegen bolatyn. Baǵdarlamanyń maqsaty nátıjeli jumyspen qamtýǵa jaǵdaı jasaý arqyly halyqqa óz tabystaryn arttyrýǵa múmkindik berý bolyp tabylady. «Eger biz buryn «Jumyspen qamtýdyń jol kartasy 2020» baǵdarlamasy boıynsha ýaqytsha jumys oryndaryna kóńil bólinse, endi oqytý arqyly tek qana turaqty jumys oryndaryna kóńil bólinedi. Eń bastysy, adamdarǵa óz isterin ashýǵa jáne jańa jumys oryndaryn qalyptastyrýǵa múmkindik beremiz. Jaýapty organdar anyqtaldy, ókilettilikter berildi, olardyń arasynda jergilikti atqarýshy organdar bar»,-dedi Premer-Mınıstr jańa baǵdarlama týraly. Premer-Mınıstr osy baǵdarlama boıynsha barlyq ázirlik jumystaryn aıaqtap, ony 15 jeltoqsanǵa deıin Úkimetke bekitýge usynýdy tapsyrdy. Arnur Asqar, "Egemen Qazaqstan".