Komıssııanyń búgingi otyrysynda QR Memlekettik rámizderiniń 25 jyldyǵyn merekeleýge arnalǵan is-sharalar josparyn oryndaý barysy qaraldy.
"Biz Memlekettik rámizder kúni qarsańynda respýblıkalyq komıssııanyń otyrysyna jınalyp otyrmyz. О́zderińizge belgili, bıyl memlekettik rámizderdiń qabyldanǵanyna shırek ǵasyr tolyp otyr. Osyǵan oraı, biz arnaıy jospar qabyldaǵan bolatynbyz. Atalǵan josparǵa sáıkes, respýblıka boıynsha tıisti jumystar atqarylyp jatyr. Ony buqaralyq aqparat quraldarynan kórip-bilip otyrsyzdar. Memlekettik rámizder kúnin merekeleýdiń basty maqsaty - qazaqstandyq patrıotızmdi nasıxattaý, azamattardyń boıynda eldiń áleýmettik-ekonomıkalyq jetistikteri úshin maqtanysh sezimderin qalyptastyrý, jas urpaqty Táýelsizdik nyshandaryna kurmetpen qaraýǵa tárbıeleý", - degen memlekettik hatshy Prezıdenttiń "Bolashaqqa baǵdar: rýxanı jańǵyrý" atty baǵdarlamalyq maqalasynda aıtylǵan maqsat-mindetterdiń barshaǵa ortaq ekenin jetkizdi.
Atalǵan másele boıynsha QR Mádenıet jáne sport mınıstrligi esep berdi. Budan bólek, memlekettik rámizderdi paıdalaný jáne nasıxattaý jumystary boıynsha ortalyq jáne atqarýshy organdardyń baıandamalary tyńdaldy.
Otyrys barysynda memlekettik rámizderge qatysty zańnamany buzý áreketterine jol bermeý, osy salada ishki baqylaýdy júrgizý, quqyqtyq tájirıbeni jetildirý, sondaı-aq memlekettik rámizderdi nasıxattaý men qoldaný sharalaryn baqylaýdy kúsheıtý jaıy sóz boldy.
Shara sońynda memlekettik rámizderge degen qurmetti qalyptastyrý jáne xalyqtyń quqyqtyq saýattalyǵyn arttyrý boıynsha naqty tapsyrmalar berildi.
