Ádebı kesh shymyldyǵyn О́zbekstan Jazýshylar odaǵy basqarmasynyń tóraǵasy, asa kórnekti prozashy Muhamed Alı kirispe sózben ashyp, toı ıesiniń ózbek ádebıetin damytýǵa qosqan eleýli úlesin qazaq ádebıetin nasıhattaý oraıyndaǵy tynymsyz eńbegin joǵary baǵalady. Ol qazaqtyń kóptegen aqyn-jazýshylaryn ózbek tilinde sóıletýimen de qymbatty.
О́zbekstannyń halyq jazýshysy, Memlekettik syılyqtyń eki márte laýreaty, Qazaqstan Prezıdentiniń rýhanııat syılyǵynyń ıegeri, 88 jastaǵy abyz qalamger Nasyr Fazylov, fılologııa ǵylymdarynyń doktory, professor Qazaqbaı Iýldoshev, osy keshke Qazaqstannan at arytyp arnaıy kelgen jazýshy Sábıt Dosanov, ózbek aqyny Mırpýlat Mırza jáne basqalar Mehmon Islamqulovtyń prozalyq, dramalyq shyǵarmalary, kól-kósir kórkem aýdarmalary ádebı qazynany molyqtyrǵan asa baǵaly eńbek ekendigin qadap aıtty. Bir aıtarlyǵy, ol sońǵy on shaqty jylda óz Odaqtarynda Qazaq ádebıeti jónindegi keńestiń jaýapty hatshysy qyzmetin atqarýda.
Qazaq aqyny Qasymhan Begmanov pen ózbek aqyny Lola Jýnıs Mehmon akaǵa arnaǵan óleńderin oqydy. Ádebı keshtiń ekinshi bóliminde jazýshynyń jary Dılfýza aǵynan jaryla, aqtaryla aıtqan tebirengen sezim men tereń fılosofııaly aqjarma aq tilek pen О́zbekstannyń óner juldyzdary shyrqaǵan ásem ánder alqaly jıynǵa ár qıyrdan jınalǵan halyqtyń kóńilin kókke órletti. О́zbekstan men Qazaqstannyń mádenıeti men ádebıetiniń arasynda altyn kópir bolyp aıanbaı adal qyzmet etip júrgen kórnekti jazýshynyń mereıtoıy dostyqtyń týyn bıik kótergen keremet kórkem kesh boldy.
Nazar Qasym
