Qurylystaǵy qoltańba

Almatydan shyqqannan jol boıyndaǵy jarnamalar birden kózge shalynady. Solardyń qata­rynda «Knaýf Gıps Qapshaǵaı» óndiris ornynyń ataýy men atqa­ra­tyn qyzmeti de jarnamalanǵan. Bul tegin emes. О́ıtkeni, atalǵan kom­panııa ǵımarattardyń ishki jáne syrtqy óńdeý, árleý jumys­taryna arnalǵan qurylys mate­rıal­daryn shyǵaratyn halyqara­lyq kásiporyndar jıyntyǵyn quraıdy. Quramyna álemniń 40-tan astam memleketinde ornalas­qan 150 zaýyt kiretini taǵy bar. Joǵary tehnologııalyq, zamanaýı, ekologııalyq jaǵynan qaýip­siz jáne tıimdi ónerkásiptik jelilerdi engizgen kompanııa jergilikti shıkizat pen mamandardy ju­mysqa tartý arqyly joǵary sa­pa­ly ónim shyǵarýdyń tııanaǵyn keltirip, rynoktaǵy óz ornyn nyqtaı túsken. Atalǵan óndiris ornynyń bas dırektory Aleksandr Efımenko seriktestiktiń búgingi qarqyndy damýyna kásibı deńgeıde óz baǵasyn beredi. Jumystyń nátıjesi kásip­oryn­nyń sapaly ónim shyǵarýdy onyń rynoktaǵy suranysyn da­mytýmen qatar júrgizil­gendi­gin­de. «Knaýftyń» basqa batystyq kompanııalardan ereksheligi ju­mys oryndaryn eksporttaýdyń ornyna kásiporyn ashylǵan mekende jańa jumys oryndaryn quryp, el ıgiligine úles qosýy. «Knaýf Gıps Qapshaǵaı, DEG qatysýy bar kásiporyn» seriktestigi 2003 jyly qurylyp, 2004 jyly 19,5 mıllıon dollardy qu­raıtyn sheteldik ınvestısııa tartý jóninde kelisim-shartqa qol qoı­ǵan. 2005 jyly atalmysh kásip­orynda 12,0 mln. sharshy metr kóleminde alǵashqy qazaqstandyq qurylys ónimderin shyǵaryp, eki jaqqa da tıimdi jumystyń ná­tıjesin kórsetti. Qurylys materıaldary ry­nok­­ta úlken suranysqa ıe. «Knaýf» fırmasynyń tehnologııa­laryn engizý nátıjesinde 2007 jyly zaýyt qarqyny qabyrǵaǵa ar­nalǵan jap­syrmalar shyǵarý­dy 32 mıllıon sharshy metrge, al profıl shyǵarýdy 4,6 mıllıon metrge jetkizdi. Qazirgi tańda elimizde ónim shyǵarýshy 3 kásiporyn, 4 marketıngtik fılıal jáne 500 qyz­metkerden turatyn dılerlik jáne oqytý ortalyq­tary bar. Zaýytta tehno­lo­gııalyq úderis­ter ǵa­na emes, sonymen qa­tar ry­noktyq damýy­na da kúsh salynǵan. О́n­diris orny jumys bas­taly­sy­men marketıngtik kásiporyn ash­qan. Onyń fılıaldary Astana, Aqtaý, Taraz qala­lary men kórshiles Qyr­ǵyz elinde de ju­mys­­taryn jalǵas­ty­rýda. Zaýyt qurylys ma­mandarynyń kásibı biliktiligin arttyrýda aýqymdy jumys­tar atqaryp  ákeledi. Qazirgi tańda úsh oqý jáne úsh resýrstyq ortalyq jumys istese, munda 5523 qurylys mamany oqýyn támamdap, búginde kóptegen alyp qurylys­tarda qoltań­ba qaldyrýda. Qurǵaq qospalar mamany» arnaıy bilim berý reestrine engizilgeni de ıgi istiń jemisi. Sondaı-aq, qurylys mamandarynyń bilimin arttyrý maqsatynda kompanııa men Qazaqstan Respýblıkasy Bilim jáne ǵylym mınıstrligi arasynda arnaıy memorandýmǵa qol qoıy­lyp, Germanııanyń tehnıkalyq joǵary oqý oryndarymen de ke­lis­sózder júrgizgeni izdenisti is­terdiń biri. Osylaısha jumys­shylardyń turaqtylyq, qarjy,  aqparattyq tehnologııa jáne qu­qyqtyq saladaǵy bilimderi jetildirilýde. Soń­ǵy jyl­­da­ry mun­daı sharalarǵa kompanııa­nyń Ger­ma­­nııadaǵy bas mekemesindegi qyz­met­kerler de belsendi qatysýda. Kúmisjan BAIJAN. Almaty oblysy.