О́ńirde Koalısııa músheleri jurtshylyqpen, jastarmen, eńbek ujymdarymen jáne shaǵyn bıznes ókilderimen áńgimelesti. Kezdesýge qatysýshylar jańa Konstıtýsııa memlekettiń uzaq merzimge negizdelgen ulttyq múddesine tolyq saı keletinin atap ótti.
«Kóne Taraz» tarıhı-mádenı kesheninde ótken jurtshylyqpen kezdesýge oblystyń shamamen 500 turǵyny – zııaly qaýym ókilderi, ardagerler, medısına qyzmetkerleri, pedagogtar jáne ózge de azamattar qatysty.
О́z kezeginde Erlan Qoshanov Memleket basshysy Qasym-Jomart Toqaevtyń Prezıdent qyzmetine kirisken sátinen bastap jańa Konstıtýsııanyń negizi qalana bastaǵanyn, al qujattyń ózi aýqymdy qoǵamdyq dıalogtyń nátıjesine aınalǵanyn atap ótti.
«Referendým ultymyzdyń birligin, tutastyǵyn aıshyqtaıdy. Bul Prezıdenttiń halqyna arqa súıeıtinin, al halyq Prezıdentke senetinin kórsetedi. El damýynda referendým sheshýshi ról atqarǵan mundaı mysaldar álemde de jetkilikti. Máselen, XIX ǵasyrdaǵy Shveısarııadaǵy Konstıtýsııa jónindegi referendým, Fransııadaǵy Besinshi respýblıka qurý boıynsha ótken referendým dúnıe júzi tarıhynda qaldy. Aldaǵy bizdiń referendým da el tarıhynda altyn árippen jazylatyn tarıhı oqıǵaǵa aınalady dep sanaımyn. Sondyqtan tańdaý da, sońǵy sheshim de ózderińizde», dedi ol.
Májilis Spıkeri oblys turǵyndarynyń belsendi azamattyq ustanymyn, Memleket basshysynyń reformalary men saıasatyna júıeli túrde qoldaý kórsetip kele jatqanyn erekshe atap ótti. Onyń aıtýynsha, jańa Konstıtýsııa jobasynan árbir azamat ózin tolǵandyrǵan suraqtarǵa jaýap taba alady. Onyń negizinde «adam memleket úshin emes, memleket adam úshin» degen qaǵıdat berik ornyqty.
Jalpyulttyq koalısııasynyń Astana qalalyq fılıaly quryldy: 1 000 is-shara ótkiziledi
Kezdesýge qatysýshylar árbir qazaqstandyq azamatqa jaqyn Ádiletti Qazaqstan, Zań men Tártip, Adal azamat, Taza Qazaqstan syndy qasterli qundylyqtarǵa nazar aýdardy. Al Prezıdenttiń is júzinde júzege asyrylyp jatqan «halyqpen birge» qaǵıdaty el azamattarynyń memleket bolashaǵyn aıqyndaý isindegi óz rólin tereń sezinýine múmkindik berdi.
Kezdesý barysynda Koalısııa músheleri jańa Konstıtýsııa jobasyndaǵy negizgi novellalar týraly baıandady.
О́z sózinde Májilis depýtaty Aıdos Sarym álemde kúrdeli geosaıası ózgerister júrip jatqanyn, burynǵy halyqaralyq tártip birtindep óz mańyzyn joǵaltyp, memleketter jańa jaǵdaıǵa beıimdelýge májbúr bolyp otyrǵanyn atap ótti. Onyń aıtýynsha, dál osy tusta memlekettiń ishki turaqtylyǵyn aldyn ala nyǵaıtyp, júıeli reformalar arqyly ornyqty damýdy qamtamasyz etý asa mańyzdy.
Taraz qalasynda stýdent jastarmen de kezdesý ótti. Oǵan 500-den astam adam – jastar uıymdarynyń kóshbasshylary, belsendiler jáne stýdenttik ózin-ózi basqarý ókilderi qatysty.
«Qazfosfat» JShS-nyń óndiris alańynda Koalısııa músheleri kásiporynnyń eńbek ujymymen kezdesti.
Asa aýylynda «Qaryzsyz qoǵam» jobasyna qatysýshylarmen – shaǵyn jáne mıkrobıznes ókilderimen, ózin-ózi jumyspen qamtyǵan azamattarmen jáne aýyl turǵyndarymen kezdesý ótti. Májilis depýtaty ári joba jetekshisi Dáýlet Muqaev bul bastamanyń júıeli júzege asýy bilim berý jáne qoldaý kórsetý qadamdary adamdardyń óz ómirin óz betinshe ózgertýine naqty múmkindik beretinin aıqyn kórsetkenin atap ótti.
Shymkentte Konstıtýsııalyq referendýmdy qoldaý koalısııasy iske kiristi
Osy kúni Super-pharm farmasevtıkalyq zaýytynyń ujymymen kezdesý ótip, onyń qyzmetkerleri aldaǵy referendým asa mańyzdy ekenin málimdedi.
Kezdesýler qorytyndysy boıynsha Jambyl oblysynyń turǵyndary Qýatty, Ádiletti ári Progressıvti Qazaqstan qurý isine úles qosýǵa daıyn ekenderin jetkizdi.
Eske sala keteıik, «Ádiletti jáne Progressıvti Qazaqstannyń Halyqtyq Konstıtýsııasy úshin!» Jalpyulttyq Koalısııasy bıyl 13 aqpanda quryldy. Onyń quramyna 5 saıası partııa men shamamen 300 qoǵamdyq uıym kirdi. Olar 5 mıllıonǵa jýyq qazaqstandyq azamatty biriktirýde.
