Saadı Kaddafıdi tutqyndaýǵa order berdi

Keshe Interpol Lıvııanyń burynǵy prezıdenti Mýammar Kaddafıdiń uly Saadıdi tutqyndaýǵa order berdi. Halyq­aralyq polısııa uıymy Kaddafıdiń ulynyń asa izdeý salynǵan qylmyskerler tizimine engizilgenin habarlady. Order Saadıge jyljymaıtyn múlikke baılanysty alaıaq­tyqqa bardy, adamdardy qorqytyp-úrkitti jáne jalǵa­syp jatqan azamat soǵysynda lıvııalyqtardy ólti­rýge qatysty degen aıyp taqqan eldegi jańa bıliktiń suraý salýy boıynsha berilgen. Sońǵy málimet boıynsha, Saadı Kaddafı kórshi Nıger memleketinde otbasymen birge jasyrynyp júr. ÁSKERILERGE ÝLTIMATÝM QOIYP OTYR Mysyrdyń saıası partııalary eger el bıligindegi áskerıler saılaý zańna­masyna birqatar túzetýler engizbeıtin bolsa, onda parlamenttik saılaýǵa boıkot jarııa­laıtyndyqtaryn má­lim­dedi. Osyn­daı málimdememen, qazirgi kezdegi asa yqpaldy «Musylman ba­ýyrlar» par­tııasyn qosa alǵanda, túrli saıası baǵyt­taǵy 60 partııa ókili shyǵyp otyr. Partııalar talap etip otyrǵan túzetýler negizinen parlamenttiń tómengi jáne joǵarǵy palatalaryna depýtattar saılaý tártibine qatysty. Qarýly kúshterdiń Joǵarǵy keńesi maquldaǵan zańǵa sáıkes, saıası partııalardan kandıdattar saılaýǵa tek tizim sheńberinde ǵana túsýleri tıis. Partııalar ókilderi, sondaı-aq saılaýǵa tek partııa tizimimen ǵana emes, sondaı-aq táýelsiz kandıdattar retinde de qatysý quqyn ıelenbek. KOROL KEShIRIM JASADY Saýd Arabııasynda áıel balasyna rólge otyryp, kólik júrgizýge zańmen tyıym salynǵan. Burnaǵy kúni Saýdııa koroli Abdýlla máshıne júrgizgeni úshin on márte dúre soǵylǵan Djastaınaǵa keshirim jasaý týraly sheshim qabyldady. Bul Saýdııa tarıhyndaǵy osyndaı alǵashqy oqıǵa bolyp otyr. Buǵan deıingi áıelderdiń barlyǵy aıyp tóleıtin. Sodan keıin tıisti oryndar qyz-kelinshektiń jaýapty adamynan bolashaqta rólge otyrǵyzbaımyz degen qolhat jazdyryp alatyn. Jalpy, Saýdııada kólik júrgizgeni úshin eń qatal jazaǵa jergilikti belsendi Manal ál-Sharıf tartylǵan-tyn. Ol 10 kúnge bas bostandyǵynan aıyrylǵan edi. BASShY BUIRYQ BERMEPTI Bolıvııa prezıdenti Evo Morales polısııa qatygezdikpen qýypti taratqan de­mon- s­trasııaǵa qatysýshylar aldynda keshirim surady. Amazonka úndisteri taı­palary­nyń ókilderi sherýge bılik­tiń Amazonka oıpa­tynda avtomagıstral salamyz degen sheshimine qarsy­lyq bildirip shyqqan bolatyn. Evo Morales sondaı-aq óziniń demonstrasııany jaýyz­dyqpen qýyp taratý týraly buıryq bermegenin atap kórsetti jáne bolǵan jaǵdaıdy el úkimeti úshin «qaterli qońyraý» dep atady. Sherýge kelsek, oǵan eldiń túrli qalalary boıynsha ondaǵan myń adam qatysqan bolatyn. Sherýshiler ókilderiniń sózderine qaraǵanda, 4 adam qaza taýypty. KÝBA ELI О́MIRINDEGI JAŃALYQ Kýba úkimeti elde avtokólikterdi erkin satýǵa jáne satyp alýǵa ruqsat beretin qaýly jarııalady. Buǵan deıin osyndaı operasııalardy 1959 jylǵa deıin shyqqan máshınelerge qatysty ǵana qoldanýǵa bolatyn. Sondyq­tan kóshelerde negizinen kónergen kólikterdi kóretinsiń. Olar negizinen amerıkalyq máshıneler bolsa, keıinnen keńestik kólikter de jetkizile bastaǵan edi. Endi Kýbada eshqandaı arnaıy ruqsatsyz-aq kólikterdi satýǵa, satyp alýǵa nemese syılaýǵa múmkindik berile bastady. Mundaı quqyq el azamattaryna ǵana emes, sondaı-aq Kýbada turatyn sheteldikterge de berilip otyr. Deı turǵanmen, avtomobılderdi shet elderden ákelý ázirshe shet el azamattary men bılik arnaıy ruqsat beretin el azamat­tary úshin ǵana múmkin bolmaq. Osy sebepti kýbalyqtar búginde tek aralǵa ákelinip úlgergen kólikterdi ǵana saýdaǵa salmaq. KAZINOǴA TYIYM SALYNDY Qyrǵyzstan parlamenti kazıno men oıyn avtomattary zaldaryn zańǵa tom­paq keledi dep jarııalady. 29 qyrkúıekte el aýmaǵynda oıyn bıznesine tyıym salý týraly zań jobasy birden úsh oqylymda talqylanyp, qabyl­dandy. Sóıtip, 2012 jyldyń 1 qańta­rynan bastap ataǵan zań kúshine enetin boldy. Zań jobasyn 105 depýtat qoldap daýys berse, bir adam qarsylyq bildirgen jáne bir halyq qalaýlysy qalys qalǵan. Artynsha qujat Qyrǵyzstannyń ýaqytsha prezıdenti Roza Otýnbaevaǵa qol qoıý úshin jiberilgen. Resmı derek boıynsha, qazirgi kezde Qyrǵyz Respýblıkasynyń aýmaǵynda 21 kazıno bar bolsa, 3 myńǵa jýyq oıyn avtomattary zaldary tirkelipti. Oıyn bıznesiniń ókilderi ózderi úshin «jamanat habardy» estı sala, mıtıngke shyqty. QYSQA QAIYRYP AITQANDA: Venesýela prezıdenti Ýgo Chaves búırek jetispeýshiligi dıagnozymen shuǵyl aýrýhanaǵa jatqyzyldy. Onyń densaýlyǵy jazda jáne kúzdiń basynda ótkizilgen birneshe hımııaterapııa kýrstarynan keıin kúrt nasharlap ketken. Burnaǵy kúni Taıvan polısııasy Qytaıdyń jáne Ońtústik-Shyǵys Azııadaǵy taǵy jeti eldiń arnaıy qyzmetimen kúsh biriktirip, alaıaq toptardyń qylmysyn ashý boıynsha arnaıy operasııa ótkizdi. Onyń barysynda 827 kúdikti ustalǵan. Sıngapýrdegi Shell kompanııasynyń munaı óńdeý zaýytynda shyqqan órttiń aıaǵy jarylysqa ákelip soqtyrdy. Osynyń saldarynan órt qaıta kúsheıe tústi. Eger tilsiz jaý munaı qoımalaryna jeter bolsa, sońy úlken  apatqa alyp kelýi múmkin. Internet materıaldary negizinde ázirlendi.