Kelesi jeńister kóp kúttirgen joq

Bokstan Baký tórinde ótip jatqan álem chempıonaty jal­ǵa­sýda. Sársenbi kúni bizdiń quramadan sharshy alańǵa 81 kılo salmaqta Ádilbek Nııazym­betov shyqty. Bul kezdesý Astana ýaqytymen kesh bastaldy. Sóıtip, boks keshiniń eń sońǵy kezdesýinde Ádilbek Nııazym­betovke qarsy rıngke moldova­lyq Vladımır Cheles kóterildi. Cheles Moldovanyń elishilik ja­rystarynda kózge túsip júr­geni­men, halyqaralyq arenada aıtarlyqtaı salmaǵy joq boks­shy sanalatyn. Kezdesý shyn máninde bizdiń boksshynyń basymdyǵymen ót­ti. Birinshi raýndta Nııazym­betov qarsylasynyń osal tu­syn izdep, birneshe ádemi soqqy jasady. Odan keıin bapkeriniń keńesi boıynsha psıhologııalyq jaǵynan jeńý úshin soqqylar darytyp, qarsylasyn eseńgi­re­tip jiberdi. Ekinshi raýndta da osy jaǵdaı qaıtalandy. Al úshin­shi raýnd taza qazaq boks­shysynyń basymdyǵymen ótti. Sóıtip, kezdesý bizdiń boks­shy­nyń paıdasyna sheshilip aıaq­taldy, esep – 16:11. Nııazymbetovtiń kelesi qar­sy­lasy osal boksshy emes. Onyń moldovalyqqa qaraǵanda sheberligi basym, biraz týrnırlerde atoı salǵan. Degenmen, Nııazymbetovtiń ony da jeńýge múmkindigi bar. Al odan keıingi jekpe-jekter týraly ázirshe aıtý qıyn. О́ıtkeni, osy sal­maqta reseılik Nıhomsev, ýk­raı­nalyq Gvozdık bar. Onyń ústine, jańa aıtqanymyzdaı, Ádilbek Nııazymbetov eresekter arasyndaǵy álem chem­pıo­na­tyna alǵash ret qatysyp otyr. Ol 2008-2009 jyldary Qazaq­stan chempıony, 2007 jyly Azııanyń jastar arasyndaǵy, 2009 jyly Azııanyń eresekter arasyndaǵy chempıony bolǵan. Osy chempıonatqa Danabek Sýjanov pen Danııar Eleýsinov te alǵash ret qatysyp otyr. Barlyq debıýtanttyń jastary shamalas. Basqa boksshyla­ry­myz týraly aıtsaq, aldymen aýyzǵa eki dúrkin álem chem­pıony Serik Sápıev oralady. Sápıev sońǵy álem chempıo­na­tynda qola júldege ıe bolǵany belgili. Osy joly budan da bıik satyǵa kóterilse degen tilegimiz bar. Asa aýyr salmaqta Ivan Dychko men 91 kıloda Vasılıı Levıttiń de jarysty jalǵas­tyrýǵa múmkindigi jeterlik. Dychko alǵashqy jekpe-jegin serb Mıllýtın Stankovıchpen ót­kizedi. Ony jeńse, Beıjiń Olım­pıadasynyń kúmis júl­de­geri Jan Jıleıge qarsy qolǵap túıistiredi. Aıtqandaı, osy qy­taı alybyn bıylǵy Azııa chem­pıonatynda Dosjan Ospanov ut­qan bolatyn. Soǵan qa­rap, Dychko da namysqa tyry­sady ǵoı dep oılaımyz. Al Levıt áýeli ame­rı­kalyq Ýılıamspen qolǵap túıis­ti­redi. Eger jeńe alsa, fransýz Ioko Tonıge qarsy shyǵady. Sóıtip, keshe keshkisin 69 kılo salmaq dárejesi boıynsha  Serik Sápıev tórtinshi álem chempıonatyndaǵy alǵashqy kezdesýin ótkizdi. Onyń osy jekpe-jektegi qarsylasy ekvador­lyq Karlos Sanches boldy. Jasyra­tyny joq, bul boks­shy­nyń da halyqaralyq arenadaǵy jetistikteri aýyz toltyryp aı­tar­lyq­taı emes. Kezdesýde so­ǵan sáı­kes Sápıevtiń basym­dy­ǵy­men ótti. Birinshi raýnd­ta-aq San­ches Sápıevtiń soqqy­lary­nyń astynda qaldy. Ekinshi raýndta ekvadorlyq odan ári eseńgireı tústi. Úshinshi raýndta Sanches nokdaýn aldy. Osy­dan keıin-aq ekvator­lyqtyń bap­ker­leri jekpe-jekti rıngke oramal tastap toqtatýǵa máj­búr boldy. Sóıtip, bizdiń qurama álem chempıonatyndaǵy tórtinshi kú­ni úshinshi jeńisine jetti. Osy salmaqta Sápıevke qarsylas bolatyn birneshe boksshynyń bar ekenin atap ótken jón. Keshe basqa jekpe-jekter de qyzyqty jáne tartysty ótti. Ásirese, Iran men AQSh boks­shylarynyń arasyndaǵy kezdesýdi solaı dep aıtýǵa bolady. Al ázerbaıjandar taǵy bir boks­shysynan aıyryldy. Mu­nyń al­dyn­da Ragım Nadjafov alǵashqy kezdesýinde jeńilgen bolatyn. Búgin sharshy alańǵa 64 kılo salmaqtaǵy Danııar Eleýsinov shyǵady. Onyń qarsylasy – shotlandııalyq Djoh Teılor. Dastan KENJALIN, «Egemen Qazaqstan» – Bakýden.