Sharaǵa qala ákimi Áset Isekeshev, qoǵam jáne mádenıet qaıratkerleri, qala turǵyndary men qonaqtary qatysty.
– Búgin biz Elorda arbatynyń ashylýyna jınalyp turmyz. Álemniń barlyq qalalarynda óz Arbaty bar ekenin bilesizder. Bul – zergerler men sheberler, mýzykanttar men sýretshiler jınalatyn mádenı oryn. Olar – ár adamǵa iltıpat tanytyp, daryndary men talanttary arqyly tań qaldyratyn biregeı óner ıeleri. Olardyń qoltańbalary qala men aýdandardyń aıryqsha beınesin áspetteıdi: ózderińiz kórip turǵandaı bul jerge qoldanbaly ónerdiń sheberleri jınalǵan. Esil jaǵalaýyna erekshe reń berip, halyqtyń súıikti jerine aınaldyrdy, - dedi «Saryarqa» aýdanynyń ákimi Arman Turlybek.
Astana Arbaty qala ákimi Áset Isekeshevtiń bastamasymen quryldy. Mádenı nysan ótken men búgindi baılanystyryp, beıbitshilik pen kelisimdi nyǵaıtady, óskeleń urpaqtyń qazaq halqynyń ádet-ǵurpy men tarıhyna degen qyzyǵýshylyǵyn arttyrady.
Arbatta qolónershiler men sýretshilerdiń dúńgirshikteri bar 14 jartylaı kıiz úı ornalasqan. Elordalyq qylqalam sheberleri men qolónershileri bul jerde biregeı buıymdaryn qurastyryp, sheberlik synyptaryn ótkizedi. Astana arbatynyń negizgi nysany – han ordasy bolmaq.
