Kezdesýde «Assambleıa jastary» RQB tóraǵasy Tımýr Jumyrbaev sóz sóıledi. Tóraǵa Konstıtýsııa halyqtyń túpkilikti múddeleriniń kórinisi ekenin, al júrgizilip jatqan aýqymdy reformalardyń qoǵamnyń barlyq músheleri úshin, ásirese, jastar úshin tarıhı mańyzy bar ekenin atap ótti.
Tımýr Jumyrbaev «Assambleıa jastary» uıymy Konstıtýsııa jobasyn keńinen qoldaıtynyna nazar aýdardy. Sebebi Konstıtýsııa tabysty memlekettiń irgetasy, onda adamnyń ómiri negizgi qundylyq bolǵandyqtan, Qazaqstan jastary úshin bul úlken múmkindikterge jol ashady.
Shymkentte Konstıtýsııalyq referendýmdy qoldaý koalısııasy iske kiristi
Sonymen qatar elordalyq ózbek etnomádenı birlestiginiń tóraǵasy Sherzod Pýlatov sóz sóılep, mádenıet, ǵylym jáne bilim qundylyqtarynyń mańyzdylyǵyna toqtaldy. Ol bul qaǵıdattardyń basymdyǵy adamı kapıtaldy damytýdyń jańa kezeńi ekenin, sondaı-aq jas talanttardy qoldaýdyń mańyzdy sharalary týraly aıtyp berdi.
Qatysýshylar jańa Konstıtýsııaǵa qoldaý bildirip, qujattyń qazirgi jáne bolashaq urpaqtyń senimdi damýyna negiz bolatynyn túsiný jastar úshin mańyzdy ekenin atap ótti. Basqa ýnıversıtetterde de osyndaı kezdesýler ótkizýdiń ózektiligi jáne jastar qaýymdastyǵyna jańa Konstıtýsııanyń negizgi erejelerin odan ári túsindirýdiń mańyzy atap ótildi.
Is-sharaǵa Astana qalasynyń joǵary oqý oryndarynyń stýdenttik assambleıalarynyń ókilderi, etnomádenı birlestikterdiń jastary jáne sarapshylar qaýymdastyǵynyń ókilderi qatysty.
