Álem • Búgin, 14:31

Máskeýde Jeńistiń 81 jyldyǵyna arnalǵan áskerı parad bastaldy

50 ret

kórsetildi

1 mın

oqý úshin

Máskeýdegi Qyzyl alańda Jeńistiń 81 jyldyǵyna arnalǵan áskerı parad ótip jatyr, dep habarlaıdy Egemen.kz.

Marjan TILEÝBEK

Máskeýde Jeńistiń 81 jyldyǵyna arnalǵan áskerı parad bastaldy

Foto: Aqorda

Is-shara bastalar aldynda Reseı prezıdenti Vladımır Pýtın ardagerlermen sóılesip, Uly Otan soǵysynda qaza tapqandardy bir mınýt únsizdikpen eske alýǵa shaqyrdy.

TASS agenttiginiń habarlaýynsha, paradty Reseı qorǵanys mınıstri Andreı Beloýsov qabyldap jatyr, al sherýdi Qurlyq áskerleriniń bas qolbasshysy Andreı Mordvıchev basqarady. Reseı áskerı qyzmetkerlerimen birge paradqa sheteldik áskerı quramalar, sonyń ishinde QHDR ókilderi de qatysyp jatyr.

Buǵan deıin AQSh prezıdenti Donald Tramp Reseı men Ýkraına arasynda 9, 10 jáne 11 mamyr kúnderine arnalǵan úsh kúndik bitim jarııalanǵanyn málimdegen edi. Eske salsaq, bıylǵy parad áskerı tehnıkalarsyz ótip jatyr.

Memleket basshysy Máskeý qalasyna bardy

Uly Otan soǵysyndaǵy Jeńistiń 81 jyldyǵyna arnalǵan merekelik sharalarǵa qatysý úshin Reseıge ondaǵan sheteldik delegasııa bardy. Olardyń qatarynda Qazaqstan Prezıdenti Qasym-Jomart Toqaev ta bar. Keshe eki el basshylary Kremlde kezdesý ótkizgen bolatyn.