Foto: polisia.kz
Alaıaqtar alǵashqy qońyraý kezinde ózderin medısınalyq mekeme qyzmetkerleri retinde tanystyryp, tekserýden ótý syltaýymen SMS-kodty ataýyn suraǵan. Qaýipti sezbegen zeınetker qajetti málimetterdi aıtyp qoıǵan. Keıinnen olar «qaýipsizdik qyzmeti» retinde qaıta habarlasyp, onyń bank shottaryna qaýip tónip turǵanyn alǵa tartyp, barlyq qarajatyn dereý basqa shotqa aýdarýǵa kóndirgen.
Jetisýda myńnan astam alaıaqtyq saıt buǵattaldy
Qatty alańdaǵan zeınetker esepshotynan 4 mln teńge sheship alyp, Batyr Mall saýda ortalyǵyna barǵan. Alaıaqtar onymen telefon arqyly baılanysyn úzbeı, ár qadamyn baqylap otyrǵan.
Alaıda qylmys IIM oqý ortalyǵynyń qyzmetkeri Saltanat Karımovanyń qyraǵylyǵynyń arqasynda kesildi. Egde jastaǵy azamattyń minez-qulqyndaǵy kúmándi áreketterdi baıqaǵan ol dereý polısııa shaqyryp, zeınetkerdi aqshany aýdarýdan saqtap qalýǵa tyrysqan.
«Osyndaı sátterde beıjaı qalmaı, kúmándi jaǵdaıdy baıqasań, dereý áreket etý óte mańyzdy. Sol sátte men tek adamnyń qaýipsizdigin qamtamasyz etýdi jón sanadym», deıdi Saltanat Karımova.
Polıseılerdiń jedel áreketi men qyzmetkerdiń qyraǵylyǵynyń arqasynda zeınetker óz qarajatyn saqtap qaldy, al alaıaqtar qylmystyq nıetin júzege asyra almady.
Qaraǵandyda zeınetkerlerdi aldaǵan alaıaq ustaldy
IIM azamattardy taǵy da eskertedi: bank, quqyq qorǵaý organdary, medısınalyq mekemeler jáne ózge de resmı qurylymdar telefon arqyly aqsha aýdarýdy, SMS-kodtardy aıtýdy nemese jeke derekterdi berýdi talap etpeıdi.
Alaıaqtardyń bir ǵana qońyraýy adamnyń ómir boıǵy jınaǵyn joǵaltýyna sebep bolýy múmkin. Sondyqtan kúmándi qońyraýlarǵa senbeı, árqashan resmı arnalar arqyly tekserý qajet.
