Mamandardyń aıtýynsha, bul janýardyń oblys ortalyǵynan tabylýy óte sırek jaǵdaı, óıtkeni ol ádette adam kóp shoǵyrlanǵan jerlerge jaqyndamaıdy.
«Úndi jaırasy – kemirýshiler tobynyń jaıratektester tuqymdasyna jatatyn, joıylyp ketý qaýpi bar janýar. Negizinen taýly, jartasty jáne shóleıtti aımaqtardy mekendeıdi. 2024 jyly oblysta 134 jaıra sany tirkelse, búginde olardyń sany 217 basqa jetti», deıdi Jambyl oblystyq orman sharýashylyǵy jáne janýarlar dúnıesi aýmaqtyq ınspeksııasynyń bólim basshysy Nurǵalı Nııazqulov.
Sırek kezdesetin janýar oblystyq ınspeksııanyń Jýaly aýdanyndaǵy qyzmetkerleri men qoǵamdyq qorlardaǵy eriktilerdiń birlesken jumysynyń nátıjesinde tabıǵatqa oralyp otyr. Endi úndi jaırasy «Jýaly-Qarashat» erekshe qorǵalatyn tabıǵı aýmaǵyndaǵy «Aqsaqalsaı» shatqalyn meken etedi.
Eske sala keteıik, buǵan deıin Jambyl oblysynda qaraquıryq atqan 48 jastaǵy brakoner ustalǵan bolatyn.
