Foto: astanatv.kz
Shırek ǵasyr ishinde ýnıversıtet 2 700-ge jýyq maman daıarlap shyǵarǵan. Túlekterdiń basym bóligi qazir ǵylym, bilim berý, memlekettik qyzmet pen bıznes salasynda jetekshi qyzmetter atqaryp júr.
EUÝ Reseıdiń jetekshi ýnıversıtetterimen yntymaqtastyǵyn keńeıtedi
Ýnıversıtet basshylyǵynyń aıtýynsha, halyqaralyq bilim berý naryǵy keńeıip, sheteldik joǵary oqý oryndarynyń sany artqanyna qaramastan, MMÝ fılıalyna degen qyzyǵýshylyq tómendegen joq. Kerisinshe, sońǵy jyldary talapkerler arasyndaǵy báseke 2 esege artqan.
Qazaqstandaǵy MMÝ fılıalynyń dırektory Aleksandr Sıdorovıch oqý ornynyń joǵary akademııalyq deńgeıi saqtalǵanyn atap ótti.
«Fılıal osydan 25 jyl buryn Vladımır Pýtınniń tikeleı qoldaýymen ashyldy. Bul – postkeńestik keńistiktegi Reseı ýnıversıtetiniń alǵashqy fılıaly. Onyń ústine, oqý orny Qazaqstannyń bastamasymen qurylǵan edi. Osy ýaqyt ishinde biz Máskeý ýnıversıtetiniń deńgeıine saı bilim berý sapasyn qamtamasyz ete aldyq. Munda túsý de, oqý da ońaı emes. Soǵan qaramastan talapkerler sany azaımaı otyr», dedi ol.
Búginde MMÝ fılıaly joǵary talappen irikteý júrgizetin, akademııalyq daıarlyǵy myqty oqý oryndarynyń qatarynda sanalady.
Eske salaıyq, Qasym-Jomart Toqaev pen Vladımır Pýtın «Sırıýs» mektebiniń kapsýlasyn salý rásimine qatysty.
