Qazaqstan bıoalýantúrlilikti saqtaý qaýymdastyǵynyń málimetinshe, mamyr aıynyń ortasynda qulan analyqtarynyń biri qulyndaǵan.
«Bul analyq ótken jyldyń qyrkúıeginde «Altyn-Emel» ulttyq parkinen jetkizilgen toppen birge kelgen bolatyn. Jaz mezgilinde olardyń barlyǵy – 20 qulan Qostanaı oblysynyń ońtústigindegi «Altyn Dala» memlekettik tabıǵı rezervatynyń aýmaǵyna jiberiledi», - delingen qaýymdastyq habarlamasynda.
Qulandardyń sany qanshaǵa jetti?
Sońǵy bes jylda Qazaqstan bıoalýantúrlilikti saqtaý qaýymdastyǵy Ortalyǵy mamandarynyń baqylaýyndaǵy arnaıy qorshaýda týǵan bul úshinshi qulyn. Sonymen qatar, jabaıy tabıǵatta týǵan taǵy keminde tórt qulyn týraly málimet bar.
