Rásim barysynda Máýlen Áshimbaev Jeńis kúni ult jadynan óshpeıtin jáne ár qazaqstandyq otbasy úshin erekshe mánge ıe qasterli data ekenin atap ótti. Sondaı-aq Palata Spıkeri Memleket basshysynyń tapsyrmasymen osy kúnderi elimiz boıynsha aýqymdy is-sharalar men taǵylymdy kezdesýler ótkizilip jatqanyna nazar aýdardy. Uly Jeńistiń 81 jyldyǵyna oraı uıymdastyrylǵan mundaı jıyndar maıdangerler men tyl eńbekkerleriniń rýhyna taǵzym etýge jáne olardyń janqııarlyq erligin óskeleń urpaqqa dáripteýge arnalady.
Májilis tóraǵasy Talǵat Bıgeldınovtiń eskertkishine gúl shoǵyn qoıdy
«Biz bul kúni surapyl soǵysta ot keshken aǵa býynnyń janqııar erligi men qaısar rýhyna taǵzym etemiz. Sonyń aıasynda búgin elimizdiń barlyq óńirinde ardagerlerimizge qurmet kórsetilip, maıdangerlerdiń erlikteri dáriptelip jatyr. Mereke qarsańynda Prezıdentimiz Qasym-Jomart Kemeluly Toqaev soǵys jyldarynda kórsetken erligi men batyldyǵy úshin marqum Kenjebaı Mádenovke «Halyq Qaharmany» ataǵyn berý týraly Jarlyqqa qol qoıdy. Memleket basshysy atap ótkendeı, bul sheshim – tarıhı ádildikti qalpyna keltirýdiń jarqyn kórinisi. Shyn máninde, munyń bári – óskeleń urpaq beıbitshiliktiń qadirin túsinip, patrıot bolyp qalyptasýyna yqpal etetin qadamdar» dep, Máýlen Áshimbaev ardagerlerge jáne olardyń otbasylaryna amandyq pen baq-bereke tiledi.
Is-sharaǵa ardagerler uıymdarynyń ókilderi, kúsh qurylymdarynyń qyzmetkerleri, áskerı qyzmetshiler jáne Parlament Senatynyń depýtattary qatysty.
Memlekettik keńesshi Baýyrjan Momyshulynyń eskertkishine gúl shoqtaryn qoıdy
