Eldi eńselendirgen órshil óńirler tabystary

Oblystardyń Astanadaǵy kúnderi el óńirleriniń táýelsizdik toıy qarsańyndaǵy ózindik esebine aınaldy. Qostanaı, Qyzylorda, Ońtústik Qazaqstan oblystarynda memleketimizdiń mereıli merekesine laıyqty daıyndyq jasalyp jatqandyǵy kelisti kórindi. Keshe Beıbitshilik jáne kelisim saraıynda Prezıdent Qos­tanaı, Qyzylorda jáne Ońtústik Qazaqstan oblystary jetistikteriniń kórmesimen tanysty. Qazaqstan Táýelsizdigi­niń 20 jy­lyn­da Qostanaı oblysynyń qol jetkizgen nátıjelerine arnalǵan ekspo­zısııada oblys ákiminiń orynbasary  N.Sád­ýaqasov Memleket basshysyna óńir­diń ekonomıkalyq jaǵdaıy men áleý­mettik damýy týraly baıandady. 2010 jyly oblysta, 1993 jylmen salys­tyrǵanda, jalpy óńirlik ónim 226 ese artyp, halyqtyń jan basyna shaqqanda 975,4 myń teńgeni qurady. 2010 jyly oblysta 451 mlrd. teńgeniń ónerkásip ónimi óndirildi. 2003-2009 jyldar ara­lyǵynda jalpy so­ma­sy 83,3 mlrd. teńgeniń 95 ınves­tı­sııa­lyq jobasy iske asyrylyp, jańadan 5 myń jumys orny ashyldy. 1993-2010 jyl­dar ara­lyǵynda aýyl sharýashy­ly­ǵy­nyń jalpy ónimi 112 esege artty. 20 jyl ishinde oblysta 2 mln. 165 myń sharshy metr turǵyn úı paıdalanýǵa berildi. Halyqty ju­myspen qamtý deń­geıi 84,2 paı­yz­dan 94,3 paı­yz­ǵa deıin ósti. 11 jalpy bilim beretin mektep, 140 or­yndy 1 bala­baq­sha saly­nyp, 3 jalpy bilim beretin mektep pen 6 ba­labaqshaǵa qaıta jóndeý ju­mys­ta­ry júr­­gi­zil­di. Ob­lystaǵy densaýlyq saq­taý sektory 599 me­dı­sınalyq nysan­men tolyqty. Qy­zyl­or­da oblysynyń qol jetkizgen ná­tı­je­le­rine ar­nal­ǵan kór­mede oblys ákimi B.Qýan­dyqov Memleket basshysyna óńirdiń ekonomıkalyq jaǵdaıy men áleýmettik damýy týraly baıandady. On jyl ishinde oblystyq bıýdjettiń kólemi 7,7 ese artty. 2010 jyly somasy 33 mlrd. teńgeniń 27 jobasy iske asyrylyp, 938 jumys orny quryldy. 11 joba Indýstrııa­landyrý kartasy aıasynda júzege asty.  Turǵyn úı-kommýnaldyq sharýashylyq­qa arnalǵan shyǵystar 7,6 ese ósip, oblystyq bıýdjet kóleminiń 10,5 paıyzy boldy. 87 bilim berý nysany, 73 densaýlyq saqtaý nysany paıda­la­nýǵa berildi. 2010 jyly aýyl sharýashy­lyǵynyń jalpy ónim kólemi 44,2 mlrd. teńgeni qu­ra­dy. Oblysta uz­yn­dyǵy 811,7 sha­qyrymdy alyp jatqan jáne ob­lystyń barlyq aýdan­daryn qam­tı­tyn «Batys Eýropa – Ba­tys Qy­taı» jobasy jú­ze­ge asyrylýda. Tur­­ǵyn úı memlekettik baǵdar­la­ma­sy boıynsha 2008-2010 jyldary 721 myń sharshy metr turǵyn úı paı­dalanýǵa berildi. Ońtústik Qa­zaq­stan oblysy­nyń qol jetkizgen nátıjelerine ar­nalǵan ekspo­zı­sııa­men tanysý ba­rysynda oblys ákimi A.Myrzahmetov Memleket basshy­syna oblystyń áleý­mettik-ekonomıkalyq damýy týraly baıandady. Jalpy óńir­lik ónim 2010 jyly 1,1 trln. teńgege jetip, 163 ese art­ty. Halyqtyń jan basyna shaq­qandaǵy jalpy óńirlik ónim 121 ese ósti. 20 jyl ishinde negizgi kapıtalǵa ın­vestısııa kólemi 225 ese ósti, oblys­tyq bıýdjettiń kólemi 25 ese artty. 2010 jyly ónerkásip óniminiń kólemi 305 mlrd. teńgeni qurady. Oblysta 280 jańa kásiporyn ashylyp, 17 myń ju­mys orny quryldy. Údemeli ındýs­trııa­lyq-ınnovasııalyq damý baǵdar­la­masy aıasynda 57 joba júzege asty.  Aýyl sharýashylyǵy ónimderiniń kó­lemi 1991 jylǵy 10,5 mlrd. teńgeden 2010 jyly 162,5 mlrd. teńgege deıin artty. Bilim berý salasyn qarjy­landyrý kólemi 2010 jyly 121,8 mlrd. teńgege, densaýlyq saqtaý salasyn qar­jylan­dy­rý kólemi 21,5 mlrd. teńgege kóbeıdi. Tusaýkeser aıaqtalǵannan keıin Memleket basshysy Nursultan Nazarbaev Beıbitshilik jáne kelisim sa­raıynda Ońtústik Qazaqstan, Qostanaı jáne Qyzylorda oblystary óner sheber­leri­niń gala-konsertin tamashalady. Ábdirahman QYDYRBEK. ----------------------------------------- Sýretterdi túsirgender S.BONDARENKO, B.OTARBAEV.