Áleýmettik mańyzy zor shara

Keshe Memlekettik hatshy Qanat Saýdabaev pen Astana qalasynyń ákimi  Imanǵalı Tas­ma­ǵambetov Qazaqstan Respýblıkasy Táý­el­siz­diginiń 20 jyldy­ǵyna oraı 28-29 qyr­kúıek kúnderi Astanada ótken Qostanaı, Qy­zyl­or­da jáne Ońtústik Qazaqstan oblys­ta­ry­nyń aýylsharýashylyq taýarlary jár­meń­kesin aralap kórdi. Memlekettik hatshy al­dy­­men «Dýman» oıyn-saý­yq or­t­alyǵy janyndaǵy alańda ótip jatqan Qyzyl­orda oblysynyń jármeń­kesine keldi. Oblys áki­mi Bolatbek Qýandyqov Memlekettik hatshy men Astana qa­la­synyń ákimin Syr óńi­rinen áke­linip jármeńkege qoıylǵan aýyl sharýa­shy­ly­ǵy eńbek­ker­le­riniń ónim­derimen tanys­tyr­dy. Odan keıin Qanat Saýdabaev pen  Imanǵalı Tasmaǵambetov «Otan-Ana» monýmenti ma­ńaı­yn­daǵy alańda qanat jaıǵan Qostanaı oblysy­nyń aýylsha­rýa­shylyq taý­ar­laryn óndirý­shi­leriniń ónimderi qoıylǵan jármeń­keni aralady. Kelesi kezekte Astana qa­lasy ákimdigi aldyndaǵy orta­lyq alańda uıymdas­tyrylǵan Oń­tústik Qazaq­stan oblysynyń azyq-túlik taý­ar­lary jármeń­kesin jáne óńir qolóner she­ber­leriniń qolynan shyqqan óner týyndylarymen tanysyp, Mem­lekettik hatshy el táý­el­­sizdiginiń 20 jyldyǵy qar­sa­ńyn­da ótkizilip jat­qan elor­da­daǵy oblys­tar­dyń mádenı kúnderiniń mańyzdylyǵyna toqtaldy. Qanat Saýdabaev 28-29 qyrkúıek aralyǵynda ót­ken úsh oblystyń aýy­l­sha­rýashylyq taýarlary jármeń­kesiniń áleýmettik máni men mańyzyn erekshe atap kórsetti. Jylqybaı JAǴYPARULY.