Álem elimizge kóz tigedi

Keshe Syrtqy ister mınıstrliginde Parlament Senatynyń Halyqaralyq ister, qorǵanys jáne qaýipsizdik komıtetiniń kóshpeli otyrysy bolyp ótti. Onyń barysynda Syrtqy ister mınıstri Erjan Qazyhanov elimizdiń syrtqy saıasattaǵy basty baǵyttary jaıynda baıandap berdi. О́z sózinde E.Qazyhanov «Qoǵamy­myz­dyń barlyq salasy boıynsha mańyzdy sheshimder qabyldaıtyn Parlamentimizdiń rólin erekshe ataı otyryp, dástúrli kezdesýlerimizde syrtqy saıasat salasynyń ózek­ti máseleleri jóninde sizdermen jan-jaqty pikir almasyp otyramyz, árdaıym úılesim­di jumys júr­gizip kelemiz. Prezıdent Nur­sul­tan Nazar­baevtyń álemdik bedeli men ba­ıypty syrtqy saıası strategııa­synyń ar­qa­synda halyqara­lyq qoǵamdas­tyqta dıp­lo­matııalyq zor ta­bys­tarǵa qol jetkizip, el mártebesin kóterer mazmundy is-sharalar júzege asyryldy. Bul saıası jetistikterimiz, árıne, Parlament Senaty­nyń Halyq­ara­lyq qatynastar, qor­ǵanys jáne qaýip­siz­dik komıtetiniń músheleri bo­lyp tabylatyn sizdermen birlese úılesim­di atqarǵan kúsh-jigerimizdiń nátıjesi dep sanaımyz. Bul ret­te memlekettik qyzmette jáne syrtqy saıa­sat salasynda jınaqtaǵan ómirlik mol tájirıbeleri bar, sonymen qatar, elimizge belgili zııaly qaýym, qoǵam jáne memleket qaıratkerlerinen turatyn senatorlardyń ár­daıym kórsetip otyrǵan qoldaýlaryn erek­she atap ótkim keledi», deı kelip, 20 jyl ishinde bizdiń jas mem­le­ketimizdiń syrtqy saıası salada zor ta­bys­qa ıe bolýy Qazaq­stan Respýblıka­synyń Prezıdenti N.Á.Na­zar­baevtyń memleketti ja­ńar­týdaǵy qyzmeti­niń nátıjesi bolyp taby­latynyn atap kórsetti. Odan ári elimiz SIM-iniń basshysy EQYU-da alynǵan praktıkalyq tájirıbe endi qazir 1,5 mlrd.-tan astam halqy bar 57 memleketti biriktirgen Islam Yntymaq­tas­tyǵy Uıy­my­na tóraǵalyq tusynda qolda­nylatynyn aı­typ, Qazaqstannyń IYU-ǵa tóraǵa bolýy Astanada maýsym aıynda ótken Syrtqy ister mı­nıstrleriniń 38-shi keńesinde Uıym aty­nyń Islam Ynty­maqtas­tyǵy Uıymy bolyp óz­gerýimen ıs­lamdyq ýmmaǵa áıgili tarıhı oqıǵa bolyp engenin de eske saldy. Al elimiz abyroıynyń ıslam áleminde bıik bolýy barlyq qazaqstandyq sheshim­der­diń, atap aıtsaq, Semeı polıgony jabylýy­nan bastap ıadrolyq synaq­tarǵa qarsy áre­ket­tesýge deıingi ara­lyq­taǵy sheshimderdiń halyqaralyq qoǵamdastyq tarapynan qoldaý tabýy­nan bastaý alatynyna ekpin túsirildi. Mınıstr nazarynan strategııalyq áriptester de tys qalmady. «Búgingi kúni bizdiń stra­te­gııalyq áriptesterimiz: Reseı, Qytaı, AQSh, Eýroodaqpen yntymaqtastyǵymyz jańa sapaly deńgeıde damyp kele jatyr», – dep atap ótti E.Qazyhanov. Parlament Senatynyń Halyqara­lyq ister, qorǵanys jáne qaýipsizdik komıteti­niń tóraǵasy Qýanysh Sultanov mınıstr­diń syrtqy saıasat boıynsha keń qamtyl­ǵan, maz­mundy baıandamasyna alǵysyn bildirip: «Ke­ńes zamanynda eger bizdiń ulty­myzdyń ókili halyq­ara­lyq dárejedegi bir minberge kó­te­ri­lip sóılese, tóbemiz kókke jetetin edi, al qa­zir bul óte úırenshikti jaǵ­daı. Shú­kir, qazir álem Qazaqstandy ta­ny­dy, onyń tabystary men ıgilikti bastama­lary­na kóz tigip qarap otyr», dedi. Anar TО́LEÝHANQYZY.