Kemel keleshek kilti

ÚKIMET "Egemen Qazaqstannyń" aptalyq qosymshasy ___________________________ Elimizdegi jumyssyz adam­dar­dyń sany azaıatyn kún de alys emes. Memleket basshysy óz Joldaýynda Qazaqstan hal­qy­nyń ómir súrý sapasyn art­tyrý jóninde Úkimetke birqatar naqty tapsyrmalar bere kele halyqty jumyspen qamtýdyń túbegeıli jańa strategııasyn ázir­leý mindetin júktegen bolatyn. Kemel keleshektiń kiltine aınalar «Jumyspen qamtý-2020» baǵdarlamasy boıynsha elimizde 1,5 mln. qazaqstandyq jumys­pen qamtylyp, kedeılik kórset­kishi 6 paıyzǵa deıin azaıady. «Jumyspen qamtý-2020» baǵ­darlamasy – halyqtyń áleý­mettik jaǵdaıyn jaqsartýǵa ba­ǵyttalǵan bastama. Strate­gııa­lyq baǵdarlamany iske asyrý boıynsha respýblıkalyq bıýd­jetten baǵdarlamanyń 3 baǵy­tyn qarjylandyrý maqsatynda bıyl barlyǵy 2898,7 mln. teńge qaraldy. Baǵdarlamanyń birinshi «Oqy­tý jáne jumysqa ornalasýǵa járdemdesý» baǵyty boıynsha aǵymdaǵy jyly aımaqta 6909 adamdy oqytý josparlanǵan. Bul maqsatqa 1521,3 mln. teńge bólindi. Al «Aýylda kásipker­likti damytýǵa járdemdesý» baǵytyn júzege asyrýǵa 476,5 mln. teńge qarastyryldy. Úshin­shi baǵyt – «Eńbek resýrs­ta­rynyń utqyrlylyǵyn art­tyrý». Bul rette de 772,4 mln. teńge qarjy bólinip, óz maqsatyna jumsalýda. Jergilikti bılik tarapynan baǵdarlamany iske asyrý baǵy­tynda qoldaý kórsetilip otyr. Ústimizdegi jyldyń shilde aıy­nan oblystyń barlyq aýdan­dary men Qyzylorda qalasynda 8 jumyspen qamtý ortalyǵy ashyldy. Munyń ózi shalǵaı eldi meken turǵyndarynyń ju­mys­pen qamtylýyna, áleýmet­tik jaǵdaıynyń jaqsarýyna oń áserin tıgizeri sózsiz. Bul orta­lyqtar 67 adamdy eńbekpen qam­typ otyr. Aıta ketken jón, 6 ortalyqtyń dırektory áleý­mettik salada tájirıbesi bar qyzmetkerler. «Jumyspen qamtý-2020» baǵ­darlamasyn tabysty júzege asy­rý maqsatynda jumyspen qamtý jónindegi aýmaqtyq jáne aýdandyq komıssııalar quryl­dy. Is-sharalar jospary bekitilip, medıa-jospar ázirlendi. Ortalyq qyzmetkerleri biliktilik arttyrý kýrstarynan ótti. Búginge deıin baǵdarlamany iske asyrý máseleleri jóninde óńir­lik komıssııanyń 7 otyrysy uıymdastyryldy. Baǵdarlamanyń basty baǵy­ty – aýyldaǵy kásipkerlikti damytýǵa járdemdesý. Jalpy, óz betinshe jumyspen aına­lysatyndardyń, jumyssyzdar men tabysy tómen otbasy­lar­dyń kópshiligi aýyldy jerlerde turatynyn, onyń ústine eldi mekenderde jaldamaly jumys oryndaryn qurý ońaıǵa túspeı­tinin esepke alsaq, aýyl kásipker­ligin damytýdyń mańyzy zor bolmaq. Baǵdarlamanyń birinshi baǵy­ty 6909 adamdy qamtydy. Onyń ishinde kásiptik oqýǵa – 2935, qaıta daıarlaýǵa – 1644, biliktilik arttyrýǵa 2330 adam tartyldy. Áleýmettik jumys oryndaryn uıymdastyrýǵa 118,5 mln. teńge qaralyp, 829 adam jumysqa ornalasty. «Oqytý jáne jumysqa orna­lasýǵa járdemdesý» baǵyty boıynsha 31 bilim uıymy belgilenip, jumys berýshilerge qajet­ti mamandyqtardyń 56 túri aı­qyn­daldy. Sonymen qatar kásip­tik daıarlaýǵa 2935 adamdy oqytý josparlansa, esepti kezeńge 2904 adam joldandy. Olardyń 1185-i kásiptik lıseılerge, 1719-y kolledjderge jiberildi. Qaıta daıarlaý kýrstaryna 696 adam jol­dandy. Ekinshi baǵyt boıynsha búgin­gi kúnge óńirlik komıssııa aýyl­dyq jerlerde kásipkerlikti qol­daý maqsatynda kásipkerliktiń basym baǵyttarynyń 47 túrin bekitti. Oblystyq ókiletti nesıe berý uıymy «Qazposhta» AQ Qyzylorda oblystyq fılıaly men oblystyq aýyl sharýashy­lyǵy basqarmasy ózara kredıttik kelisim-shartqa otyrdy. Shaǵyn nesıelendirý uıymdaryn anyq­taý jóninde rásimder ótkizilip, tizimi ázirlendi. Qazirgi kezde «Qazposhta» AQ fılıaly shaǵyn nesıe uıymdary men nesıe seriktestikteriniń arasynda konkýrs jarııalaýdy uıymdastyrýda. Kásipkerlikpen aınalysý úshin árbir kásipker mıkrokredıttik uıymǵa bıznes-jobasyn usynýǵa bolady. Oń qorytyndy alǵan jaǵdaıda jobany iske asyrýǵa jetispeıtin ınjenerlik-kommý­nıkasııalyq ınfraqurylymdy júr­gizýge qosymsha qarjy bóli­nedi. Ol jobanyń nesıe kólemi­nen aspaýy tıis. Aýylda kásipkerlikti damytý baǵytynda aýyl turǵyndarymen nasıhat jumystary júrgizilip, búgingi kúnge nesıe alýǵa úmit­kerler sany 632 adamdy qurap otyr. Máselen, Aral aýdanynyń turǵyny S.Saıanov temir jol janynda ornalasqan burynǵy sý saqtaıtyn qoımany alyp, jón­deý jumystaryn júrgizip kók­ónis saqtaıtyn qoıma jasaýdy qolǵa aldy. Kásipker jobasy tolyqtaı júzege asqanda 11 jańa jumys orny ashylmaq. Sonymen qatar bıznes ókili aýdan halqyn qys aılarynda sapaly kókónis­pen qamtamasyz ete alady. Al Qazaly aýdany Qumjıek aýyl­dyq okrýgindegi jumyssyz J.Er­nazar esimdi azamat naýbaıhana ashyp, 3 jańa jumys ornyn qu­rýdy josparlap otyr. Jalaǵash, Jańaqorǵan aýdandaryndaǵy ju­myssyz azamattar da baǵdarla­manyń ıgiligin sezinip otyr. Oblystyq kásipkerlik jáne ónerkásip basqarmasy tarapynan azamattardy kásipkerlik negizderine oqytý maqsatynda konkýrs jarııalanyp, jeńimpaz retinde «PROF-Konsaltıng» JShS anyq­taldy. Oqý kestesine sáıkes 7 aýdan men Qyzylorda qalasynda 40 aka­demııalyq saǵattyq kásip­ker­lik negizderine oqytý kýrstary 2011 jylǵy 27 qyrkúıek pen 1 qarasha aralyǵynda ótkiziledi. Oqý josparyna sáıkes shaǵyn jáne orta bıznesti memlekettik qoldaý baǵdarlamalarymen ta­nys­tyrý, kásipkerlik jáne marketıng negizderine oqytý, shaǵyn jáne orta bıznes sýbektilerine salyq salý erekshelikteri jónin­de oqytý, bıznes-jospar jasaý já­ne mıkrokredıttik uıymdar­men jumys júrgizýge úıretý sekildi kýrstar qamtyldy. Oqytý­shy­lar quramynda Máskeýdegi Halyq sharýashylyǵy jáne memlekettik basqarý akademııasynyń bıznes júrgizý jáne eýrome­nedj­ment mamandyqtary boıyn­sha oqý bitirgen túlekteri boldy. Sonymen qatar, Germanııa jáne Ulybrıtanııa elderinde tájirı­beden ótken oqytýshylar da qatysty. Búgingi kúni Qyzylorda qalasynan 25 adamǵa joldama berilip, 1-top oqýdy bastady. Al úshinshi baǵyt boıynsha Aýyl sharýashylyǵy mınıstrli­gi­niń usynysymen 4 aýdanda, ıaǵnı Aral, Qazaly, Qarmaqshy, Jala­ǵashta 20 ekonomıkalyq áleýeti tómen eldi meken bekitildi. Búgin­de ekonomıkalyq áleýeti tómen eldi mekenderden qonys aýdarýǵa nıet bildirgen otbasylar sany naqtylanyp, qyzmettik úıler sany belgilendi. Aral aýdanynda – 1, Qazalyda – 8, Jalaǵashta 10 úı salý josparlanýda. Sonymen qatar Qarmaqshy aýdanynda – 30, oblys ortalyǵynda 60 páterli 1 úı salynbaq. Qazirgi tańda jeke kásibin ashyp, isin dóńgeletemin degen aýyl kásipkerlerine jan-jaqty qoldaý kórsetilýde. Ásirese bıyl­dan bastap qolǵa alynyp jatqan «Jumyspen qamtý-2020» baǵ­dar­lamasy jańa múmkindikterge jol ashty deýge bolady. Qoryta aıtsaq, jańa strate­gııalyq baǵdarlama – elimizde jumyssyzdyqty azaıtýdyń tıimdi tetigine aınalǵaly otyr. Jazıra JYLQYShIEVA, Qyzylorda oblysynyń jumyspen qamtýdy úılestirý jáne áleýmettik baǵdarlamalar basqarmasynyń bastyǵy.