Ýaqyt talabyndaǵy mindet

Ásem Astanamyzdyń kún sanap ósip, órkendeýi qosymsha qyzmet túrleriniń aıasyn da keńitýde. Qazir elordanyń aına­la­synda tutas algomerasııalyq jeli qalyptasyp keledi. Osy­dan kelip týyndaıtyn basty maq­sat qalyńdaı túsken turǵyn­dardy sapaly azyq-túlikpen jyl boıy qamtamasyz etý ekendigi belgili. Elbasy bul jóninde irgeles Aqmola oblysyna úlken mindetter júktep otyr. Qala­lyq­tarǵa nan, et, sút ónimderi­men qatar, kókónis pen jemisterdi toqtaýsyz jetkizip berý de jaýapty is. Al ony Astana dastarqanynan jyl boıy úzbeý arnaıy qoımalarsyz sheshile qoımaıdy. Qoımalar burynnan bolǵanymen, ýaqyt talabyn­daǵy nysandar sanaýly. Solar­dyń biri Arshaly aýdanynyń ortalyǵyndaǵy «Formýla ýspeha» kompanııasy» JShS-nyń jańa úlgidegi qoımalary deýimizge bolady. Biz ujym basshysy Murat Shaı­merdenovpen bıylǵy aqpan aıynda Kókshetaý qalasynda ót­ken aýylsharýashylyq ónimderi­niń jármeńkesinde tanysqanbyz. Qaqaǵan aıazda bulardyń alyp refrıjerator kóliginiń mańaıy kisiden bir sát úzilmegen. Qala­lyqtar qaptap kartop pen qy­ryqqabat, pııaz, kelilep alma, al­murt, júzim alyp, júzderi jady­rap sala bergen. Baǵasy da dúken­der men jabyq bazarda­ǵydan 30 paıyzǵa arzan. Bul del­dalsyz saýdanyń artyqshylyǵyn kórse­te­di. Aıtpaqshy, joǵaryda­ǵy jár­meńkeniń bir kúninde seriktestik Astana men Kókshetaýda 20 tonna kartop, 9 tonna sábiz, 8 tonna pııaz saýdalapty. Biz osy­dan keıin JShS dırektorymen jıi kezdesip turdyq. Jaqynda Arshalyda bolýdyń da sáti tústi. Qyrkúıektiń 17-inde dalada 30 gradýstan astam ystyq bolyp turdy. Qaz-qatar tizilgen qoıma­lar­dyń shetkisine engenimizde ká­dimgideı tońýǵa aınaldyq. Mu­­nyń qos qaptalynda kartop, qy­zyl­sha, sábiz, qyryqqabat saqta­lady eken. Ustap kórgenimizde baqshadan jańa ǵana qazyp nemese úzip alynǵandaı áserde bol­dyq. Sondaı-aq, qoımalardyń ár­qaısysynda temperatýra ártúrli ekendigin baıqap kelemiz. Al termos qoımalarda ánsheıinde tez buzylatyn jemister men kók­ónister saqtalady. Jylylyq pen sýyqtyq avtomatty túrde ret­telip, kompıýtermen basqary­lady. Murat baýyrymyz qaldyq­syz jumys isteıtindikterin aıta­dy, tipti, bir paıyzdyq shyǵyn dabyl qaǵarlyq oqıǵa sanalady deıdi. Qoımalardyń jalpy syıym­dylyǵy 3000 tonna aýylsha­rýa­shylyq ónimin  saqtaýǵa múmkin­dik beredi. Osynyń arqasynda 2010 jylǵy taýar aınalymy 100 mıllıon teńgege jetken. О́nimder «Saryarqa» ÁKK-den jalǵa alynǵan 17 pavılonda satylýda. Búgingi tańda kompanııa As­tanadaǵy «Sharyn» baza­rynda syıymdylyǵy 80 tonna­lyq eki núkte jáne «Metro» saýda-jármeńke kesheninen dúń­girshek ashqan. Bul kiris kózen molaı­tatyn qadam bolǵanymen, «Formýla ýspehany» ýaqyt tala­byn­daǵy jańa joba-josparlar ma­za­laıdy eken. – Qoımany jabdyqtaýmen is bitpeıdi, – deıdi kezinde 20 jyl keńshar basqarǵan tájirıbeli maman M.Shaımerdenov. – Servıstik daıyndaý ortalyqtaryn qurý kerek. Osy baǵyttaǵy ınno­vasııalyq jobany Úkimet te qol­dap otyr. Biz daıyndyq satysyn bastap ta kettik. Jańa qoıma salynyp, óndiristik baza qaıta quryldy. Qazir ózimiz kelisim-shart túzgen sharýashy­lyq­tar men sharýa qojalyqta­rynan, ońtústik ólkedegi áriptes­terden ártúrli ónimder jetkizilýde. Jumysshy­la­rymyzdyń bar­ly­ǵy jergilikti azamattardan iriktelip, olarǵa qolaıly eńbek jaǵdaılary ja­sal­ǵan. Ortasha jalaqy 50 myń teńgeden aınalýda. Monsha­myz, 60 oryndyq dámhanamyz bar, qýat­ty kompressorlar, tehnıkalar alyp jatyr­myz. Buǵan qy­rýar qarjy jum­saldy. Endigi jerde, jan-jaqty saraptalǵan jo­bamyz qoldaý tapsa, tarazy sha­rýa­shylyǵynan bastap zert­hanaǵa deıingi óndiristik qýattar­dy arttyrý, derbes jemis-kókónis sharýashylyǵyn qurý, mal  ónim­derin daıyndaý, shujyq sehyn ashý nıetindemiz. Quzyrly oryndar osyndaǵy jıyrma jumysshyny tolǵandy­ratyn tómendegi máseleni sheshýge septik jasalsa degen tilek aıtyldy. Iаǵnı, kompanııa 51 paıyzdyq úlespen «Saryarqa» ÁKK-men áriptestik baılanysta bolypty. Bıyl «Saryarqa» Astana qalasynyń qaraýyna kósh­ken. Sol  úles arshalylyqtardyń menshigine berilse, ortaq istiń aıasy keńip, tıimdilik arta túspek. Qulshynys jetegindegi ujym buǵan kepildik beremiz deıdi. Únemi qozǵalys pen izdenis ústindegi istiń eseli qaıtarymy bolatyndyǵy belgili. Osy rette, «Formýla ýspehanyń» talpy­nys­tary tabysqa bastaıdy degen oıdamyz. Baqbergen AMALBEK. Aqmola oblysy, Arshaly aýdany.