Arnaıy jattyǵý ótkizildi

Taraz qalasynda IIM alqa­sy­nyń keńeıtilgen kezekti kóshpeli otyrysy ótkizildi, onda ishki ister organdarynyń jedel-qyzmet­tik jumysy taqylanyp, aldaǵy ke­zeńge jańa mindetter belgilendi. Memleket basshysynyń nus­qaýyna sáıkes aldaǵy ýaqytta ishki ister organdary nátıjeleriniń ólshemderi sandyq kórset­kishter emes, azamattardyń senim deń­ge­ıimen aıqyndalatyn jumys sa­pasy bolady. Sondyqtan, aǵym­daǵy jyldyń qańta­rynan bastap Bas prokýratýramen birlesip, qyl­­­­mystar týraly barlyq aryzdar men habarlamalardy tolyq jáne naqty tirkeýge nazar aýdarylýda. Ishki ister mınıstri Q. Qasymov esepke alý men tirkeýden ja­syr­ǵan qylmystyń árbir deregi boı­ynsha kináli qyzmetkerlerge tár­tiptik sharalar, onyń ishinde ju­mystan bosatý jáne qylmystyq jaýapkershilikke tartý shara­syn qoldanýǵa deıin qyzmettik tekseris júrgizýdi qatań talap etti. Vedomstvo basshylyǵy qylmystyq-atqarý júıesiniń mekemelerinde tıisti tártip ornatýǵa, qyl­mys­tyq-atqarý júıesin izgilendirý baǵytyn jalǵastyrýǵa, halyq­ara­lyq standarttarǵa sáıkes sot­tal­ǵandardy ustaý jáne olardyń quqyqtaryn saqtaýdy qamtamasyz etýge erekshe nazar bóldi. Sondaı-aq, munda komanda­lyq-shtabtyq oqý-jattyǵý ótki­zildi. Oqý-jattyǵýǵa Prezıdent­tiń kómekshisi – Qazaq­stan Res­pýblıkasy Qaýipsizdik Keńesiniń hatshysy M.Tájın jáne bir­qatar ortalyq memlekettik organdar­dyń basshy­lary qatysty. Oqý-jattyǵý daǵdarystyq jaǵdaılar qaýpi tóngen jáne týyndaǵan kezde qoǵamdyq qaýipsizdikti qam­tamasyz etý úshin ýákiletti memlekettik organdar bólinis­teriniń ózara is-qımyl jasasý vedom­stvoaralyq tetikterin daıyndaý maqsatynda ótkizildi. Oqý-jattyǵýda Ishki áskerler­diń «Búrkit» arnaıy maqsat­taǵy bólinisiniń jaýyngerleri tikushaq pen arnaıy brondy avtokólik­ter­di paıdalana otyryp, adamdardy kepilge alǵan qylmys­kerlerdi za­lalsyzdandyrý, kepilge alynǵan adamdardy bosatý, arnaıy qu­ral­dardy paıdalaný, sondaı-aq al­ǵashqy medısınalyq kómek kór­setý daǵdylaryn qoldaný boı­yn­sha is-áreketterdi pysyqtady, dep ha­bar­lady IIM-niń baspasóz qyzmeti.