Zııaly urpaq –– el erteńi

Keshe «Nur Otan» HDP janyndaǵy Quqyqtyq keńes Mádenıet mınıstrligimen jáne «Áriptes» úkimettik emes uıymdardyń Almaty kon­federasııasymen birlesip, «Zııaly ultty qalyptastyrýdaǵy otbasynyń róli» taqyrybynda respýblıkalyq dóńgelek ústel otyrysyn ótkizdi. Dóńgelek ústeldiń jumysyna Prezıdent Ákimshiliginiń jaýapty qyz­met­­kerleri men Parlament depýtat­tary, memlekettik organdardyń, aza­mattyq qoǵam ınstıtýttarynyń, jastar uıym­darynyń ókilderi jáne ǵalymdar men sarapshylar qatysty. Qazaqstandyq zııa­ly ultty qalyptas­tyrý búgingi kún­niń ózekti máselesi retinde alǵash ret Elbasy, «Nur Otan» HDP Tóraǵasy Nursultan Nazarbaevtyń 2009 jylǵy qazanda Ál-Farabı atyndaǵy QazUÝ-de jasa­ǵan jarııa dárisinde kóterilip, qoǵam aldyna osy mindet qoıylǵan bolatyn. Otyrysty osylaı dep bas­taǵan Parlament Májilisiniń depýtaty Nurlan Ábdirov sózin: «Zııaly ultty» qalyp­tastyrý – XXI ǵasyrda qoǵamdy jańǵyrtýdyń joly, onda damýdyń basty kózi kreatıvti adam bolady. Shyǵarmashylyq – bul adamnyń ózin ózi jumyldyrý úderisi, ol árkimniń óziniń rýhanı baılyǵy bolýyn, jeke tulǵanyń daralyǵy men tól qasıet­teriniń bolýyn kózdeıdi. Sondyqtan da baǵzy zamannan búginge deıingi tarıhı-mádenı muranyń barlyq sanalýandyǵy bolashaqtyń rýhanı negizi men qaınar kózi bolyp shyǵady, olar­dy saqtaý men tolyqtyrý úrdisimen bizdiń «zııaly ultqa» umtyl­ǵan joly­myz da shyn máninde bastalyp ketti deýge bolady. Sondyqtan zııaly ultty qalyptastyrý sııaqty jahandyq problema týraly áńgimelesý úshin otbasy taqyry­bynyń tańdalýy tegin emes. Bul rette zııaly ult bilim men daǵdylardy qoldaný retindegi tehno­krattyq qubylys turǵy­synda ǵana beınelenbeýge tıis. Ol ulttyq mádenıet retinde tanylyp, al ony qalyp­tastyrý bizdiń qoǵamymyzdyń maqsaty bolýy tıis», dep jalǵastyrǵan edi. Shynynda da, eger álemdik ozyq dá­rejege jetken memleketterdiń tarı­hy­na úńilsek, onda el halqynyń zııalylyq deńgeıi joǵarylaǵan saıyn sol jurt­tyń sonshalyqty dárejege kóterilgenin kórýimizge bolady. Ultty bıikterge jeteleıtin ıgi maqsatqa jumylmasaq, onda zamanaýı ǵylymı jetistikterge jetpek túgil, ózgeler jasaǵan qundylyq­tardy ıgerip áke­týimiz de ekitalaı. Bul jaıynda Parlament Májilisiniń depý­taty Kamal Burhanov qynjyla sóıledi. Bizdiń bala­la­rymyz tiginshi, shashtaraz, aspaz sııaqty qyzmet kórsetý salasy maman­darynyń oqýyn oqymaıdy. Qazir­diń ózinde qalta­larynda 5 dıplomǵa deıin bar jastardy kezdestirdim. Alaıda, olardyń kópshi­ligi óz maman­dyqtary bo­ıynsha jumys taba al­maı­dy. Máse­len, bizdiń elimizde 100 myń tóleımiz dep «KamAZ» kóligimen júk tasıtyn adam taba almaı otyr­ǵan kásiporyndar bar. Esesine, osyn­­daı jumystardyń barlyǵyn syrt­tan kelgen mıgranttar atqaryp, óz qazyna­myzdy toltyrar qarajat shetke aǵylyp jatyr, dedi depýtat. Dóńgelek ústel otyrysynda Prezıdent Ákimshiligi Ishki saıasat bólimi meńge­rýshisiniń orynbasary Álibek Asqar, Prezıdent janyndaǵy Áıel­der isi jáne otbasylyq-demogra­fııalyq saıasat jónin­degi ulttyq komıssııa hatshy­lyǵynyń meńgerýshisi Ráshıda Náýbe­tova sóılep, sheshender qazirgi kúni álemde eńbektiń jańasha bólinisi oryn alyp otyrǵanyn, al zııatkerlik eńbek salasynda, ǵylymı jáne mádenı óndi­ris pen qyzmet kórsetý salasynda bilim ekonomı­kasy týyndaı­ty­nyn aıtyp, adam kapıtalynyń alǵa shyǵatynyna toqtaldy. Qazaqstan bolashaqtyń kerýenine ilesý úshin bar kúsh-jigerin osy múd­dege jumsaı alady jáne jumsaýǵa da tıis degen pikirge toqaılasqan jurt­shylyq otyrystyń aıaǵynda usynym qabyldap, onda Parlamentke osy máselege qa­tysty arnaıy tyńdaý ótkizý qajettigin usyndy. Al Úkimet­ke zııaly ultty qalyptas­tyrýdaǵy otbasy róli­niń mańyzdylyǵyn eskere otyryp, osy jumysty barynsha qoldaý maqsa­tynda qarjy bólýdi áleýmet­tik tapsy­rys esebinen ulǵaı­tý jaıyn qarastyrý eldik is ekendigi kórsetildi. Anar TО́LEÝHANQYZY.