Energetıkany damytý – ekonomıkany nyǵaıtý

Parlament Májilisiniń Ekonomıkalyq reforma jáne óńirlik damý komıtetiniń uıymdastyrýymen «Keıbir zańnamalyq aktilerge elektr energetıkasy, tabıǵı monopolııalarmen retteletin naryq sýbektileriniń ınvestı­sııalyq qyzmeti máseleleri boıynsha tolyqtyrýlar men ózgerister engizý týraly» zań jobasy boıynsha dóńgelek ústel ótti. Memleket basshysy N.Nazarbaev Parlamenttiń besinshi ses­sııasynyń ashylýynda bizge 4 top­tamadan turatyn zań shyǵa­rý­shylyq tapsyrma bergen bola­tyn. Sonyń birinshi tobynda ınvestısııalyq múmkindikterdi arttyratyn salaǵa qatysty zań­dar jasap berýimiz tapsy­ryl­ǵan. Prezıdent energetıkany damytý el táýelsizdigin bekemdeý ekenin atap ótken edi. Son­dyqtan osy zań jobasy Májilis qorjynyna kelip túsip, búgingi dóńgelek ústelde qaralyp otyr. Eń mańyzdy sharýanyń biri elektr qýaty men ınves­tı­sııa­lyq salany rynokta retteý bo­lyp tabylady. Zań jobasynyń tanystyrylymy ótkizilip, ju­mys tobynyń otyrystarynda talqylandy. Oǵan depýtattar tarapynan 127 tolyqtyrý tústi. Búgin ony jan-jaqty taǵy bir talqylap, óndirýshi men tutyný­shy talabynan shyǵatyndaı etip jasaýymyz kerek, dedi komıtet tóraǵasy Seıitsultan Áıim­betov. Zań jobasy boıynsha jumys tobynyń jetekshisi Valerıı Doskalov dóńgelek ús­teldi júrgizip otyrdy. Dóńgelek ústelde kún tárti­binde qaralyp jatqan taqy­ryp­­qa baılanysty Tabıǵı monopo­lııa­lardy retteý jónin­degi agent­tik tóraǵasy Nurlan Aldabergenov pen Indýstrııa jáne jańa tehnologııalar vıse-mınıstri Baqytjan Jaq­salıev baıandama jasady. Atal­ǵan zań jo­basynyń maqsaty elektr stansa­larynyń ınves­tı­sııalyq qyz­metiniń ashyqty­ǵyn arttyrý men ınvestı­sııa­lyq mindettemeleri kólemi­niń tarıftik tabys deń­geıine sáı­kestigin qamta­mas­yz etý jáne Qazaqstan ekonomı­kasynyń elektr energııasy men qýatyna qajettiligin qýat ry­nogyn engizý esebinen qamta­masyz etý bolyp tabylatyny atap kór­setildi. Zań jobasy 2010 jylǵy 22 qańtarda ótken keńeste Memleket basshysy bergen tapsyr­ma­lardy oryndaý úshin ázirlengen, sonymen qatar, «Tabıǵı monopolııalar men retteletin naryq­tar týraly» jáne «Elektr ener­ge­tıkasy týraly» zańdar men Ákimshilik quqyq buzýshylyq týraly kodekske tolyqtyrýlar men ózgerister engizýdi kózdeıdi. Dóńgelek ústelde «KEGOC» AQ-tyń materıaldyq-tehnıka­lyq qamtamasyz etý jáne júıe­lik qyzmet boıynsha atqarýshy dırektory Valerıı Lı, «Qazaq­stannyń ındýstrııany damytý ınstıtýty» AQ elektrener­ge­tı­kasyn damytý ortalyǵynyń dı­rektory Ánýar Túkenov, «Ener­goprom» ǵylymı-zertteý ınstı­týty» AQ prezıdenti Gennadıı Andreev, USAID-tiń elektrener­getıkalyq rynoktar baǵdarla­masy boıynsha keńesshisi Bekker Maıkl qosymsha baıandamalar jasady. Zań jobasyn talqylaý qyzý júrdi. Sáýle DOSJANOVA, jýrnalıst.